La Prienxe Kritériu MS, Eskola Bázika no Sekundária 20% Labele Reativa

Ministru Edukasaun Juventude no Desportu (MEJD), Armindo Maia Ministru Edukasaun Juventude no Desportu (MEJD), Armindo Maia Foto Suplai

Tempotimor (Dili) - Ministru Edukasaun Juventude no Desportu (MEJD), Armindo Maia hateten, to'o agora eskola sira husi ensinu báziku to'o eskola sekundária hamutuk 20% seidauk reativa, tanba seidauk prienxe kritériu hitu ne'ebé Ministériu Saúde (MS) hamutuk ho MEJD estabelese.

"Reativa eskola sira kuaze 80% ona, entaun ita espera katak iha fim-Jullu nian bele atinje ona to'o 90%," dehan nia, iha Salaun Ministériu Solidariedade Sosiál no Inkluzaun (MSSI), Kaikoli, Kinta (23/07).

Ministru ne'e mós dehan, balun seidauk bele reativa tanba iha problema hanesan iha Dili ne'e parte Atauru mak balun seidauk reativa, tanba fatin balun ne'ebé susar atu to'o iha ne'ebá, inklui Oekusi tanba ne'e espesiál, entaun la hatene se mak atu reativa, maibé espera tempu besik situasaun sira ne'e bele la'o ho di'ak.

"Ita esforsu nafatin tuir ita-nia kbiit, ita la obriga, tanba iha rekizitu hitu kedas, entaun tenke prienxe kritériu sira ne'e," nia dehan.

Entretantu, regra hitu ne'ebé Ministériu Saúde fó sai mak hanesan; Eskola tenke asesu bee-moos, kada aula tenke estabelese bee ne'ebé kompleta ho sabaun, distansiamentu sosiál iha aula laran, mantein uza máskara, ambiente eskola tenke moos, eskola tenke dezinfeta, profesór sira tenke tuir formasaun kona-ba Covid-19, inklui taka mós informasaun kona-ba Covid-19. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.