Estudante Finalista FCS Na’in 118 Yudisium

By Tempo Timor September 04, 2020 1877

font size decrease font size increase font size
Print
Email

Finalista sira husi Fakuldade Siénsia Sosiál (FSS) Universidade Nasionál Timor Lorosa'e (UNTL) partisipa hela serimónia Yudisium ba dalan XXI iha salaun Ian Martin Infordepe, Sesta (4/9) Foto Tempo Timor

Tempotimor (Dili)-Universidade Nasionál Timor Lorosa'e (UNTL), Fakuldade Siénsia Sosiál (FDS), realiza yudisium ba dala XXI ho estudante totál 118.

Dekanu FCS, Camilo Ximenes hateten, realiza yudisium iha loron 4 Setembru tanba hakarak festeja mós loron rezultadu konsulta populár ba dala XXI.

"Timor ohin festeza loron konsulta populár ba dala XXI tanba loron ohin ne'e loron importante tebetebes ba timoroan sira" dehan nia, iha salaun INFORDEP, Sesta (04/09).

Dekanu husu ba finalista sira husi departamentu neen iha FCS ne'ebé konklui ona estudu no prenxe ona rekizitu hotu, atu aplika siénsia ne'ebé sira aprende iha instituisaun UNTL, hodi ajuda Estadu no sosiedade iha área oioin.

Iha fatin hanesan, Jaques Soares, finalista Departamentu Relasaun Internasionál (RI) nu'udar estudante finalista ho valór ne'ebé di'ak, agradese ba Maromak no agradese ba universidade no fakuldade, tanba bele gia no eduka sira to'o remata ona sira-nia estudu.

"Ha'u sente haksolok tanba ohin bele atinji ona mehi no esforsu ne'ebé ha'u luta durante ne'e", dehan nia. (*)

Rate this item

(0 votes)

Last modified on Friday, 04 September 2020 14:33

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com