Login to your account

Username *
Password *
Remember Me

UNITAL Produz Tan Rekursu Umanu Na'in 765

seremonia graduasaun husi UNITAL, Segunda (21/9) seremonia graduasaun husi UNITAL, Segunda (21/9) Foto Tempo Timor

Tempotmor (Dili)-Maske iha hela pandemia Covid-19 nia laran, maibé Universidade Orientál Timor Lorosa'e (UNITAL) konsege fó tan graduasaun ba ninia estudante na’in 765 husi espesialidade oioin.

Iha serimónia graduasaun ba dahitu ne'e, Reitór UNITAL Florindo Pereira kongratula graduadu sira ne'ebé konsege finaliza ona sira-nia estudu.

"Universidade la fó buat hotu-hotu, maibé buat ne'ebé universidade fó, imi mak halo kompleta, tanba ne'e parabens ba alin sira no inan-aman, tanba tinan hira nia laran, imi haruka sira mai iha ne'e, hodi aprende hamutuk ho ami. Ohin ami entrega fali sira ba inan-aman, para ba iha komunidade hodi implementa, saida mak imi simu ona," dehan Reitór UNITAL iha ni diskursu ba serimónia graduasaun ba dahitu, Segunda (21/9).

Reitór mós afirma, durante prosesu estudu iha dezafiu oioin, maibé dezafiu sira hotu nu'udar esperiénsia ida ne'ebé fanu ita atu hakat ba oin.

Iha fatin hanesan, reprezentante Ministru Ensinu Superiór Siénsia no Kultura (MESSK), Diretora Jerál MESSK Maria Filomena Lay graduadu sira tenke iha kreatividade hodi kria kampu servisu ba aan rasik.

"Graduadu sira tenke iha kreatividade para kria kampu servisu ba imi-nia aan no bele implementa iha kampu servisu, liuhusi buat ne'ebé imi simu ona husi universidade," katak nia

Diretira mós dehan, atu ajusta empregabilidade graduadu sira nian, maka MESSK mós iha ona polítika atu rezolve.

Oinsa atu bele hadi'a epregamobilidade ba joven no graduadu sira hodi asesu ba kampu servisu nian, mak MESSK nia politika hodi buka maiu oinsa atu artikula no buka médida para hasa'e kualidade ka servisu liga ho ensinu superiór," katak diretora ne'e.

Entretantu graduasau iha etapa dahitu ne'e, graduante hamutuk na'in 765 resin  maibé iha graduadu balun ne'ebé la partisipa no totál graduante husi etapa dahuluk to'o etapa dahitu UNITAL produz ona rekursu umanu hamutuk 3.382.

Graduante sira ne'ebé UNITAL produz ona, mai husi espesialidade sira hanesan Edukasaun, Engeñaria, Ekonomia, Cispol, Agrikultura, Direitu no Saúde.

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter