Tuir nia, eskola Cristal sempre simu ai-leba nia ona sira-ne'ebé hakarak asesu, tanba iha mos bolsa estudu ba komunidade bainbain ne'ebe laiha kbiit atu sustenta oan nia eskola.

Maibé bolsa estudu ninia kritéria mak estudante tenke iha talentu no komportamentu di'ak.

"Eskola privadu iha nia kritériu, kuandu nia mai iha-ne'e komportamentu di'ak, ninia valór di'ak ne'e tinan-tinan husi fundasaun fó bolsa estudu hanesan redus kustu, maibé depende ba komportamentu tanba kala fulan selu $10 dolar", informa nia ba Tempotimor iha kna'ar-fatin Balide, tersa (26/01/21).

Kritéria estudante hetan bolsa estudu husi eskola Cristal mak, iha talentu hanesan kantór, jogadór, valor di'ak no komportamentu di'ak.

"Nia talentu di'ak, biasa iha ne'e nia povu baibain maibé nia kantór, jogadór, ne'e livre kuaze 50 pursentu, ida kantór ne'e 100 pursentu fundasaun mak responsabiliza hotu, maibé ikus mai kanta la to'o rohan, estudante ne'e sai oinoin, entaun bolu inan-aman mai, ne'ebé estudante prestasaun di'ak prontu atu ajuda", nia esplika

Maibé husi fundasaun ajuda ona estudante ne'e, iha uma inan ho aman mos presiza eduka no kontrola atu kontinua hetan komportamentu di'ak hodi prienxe nafatin kritéria iha eskola.

Profesór sira iha eskola Ensinu Sekundáriu Cristal hamutuk na'in-45 no saláriu selu tuir oras ne'ebe hanorin, minutu 80 sira hetan $3 dolar.

Nune'e mos iha tinan 2021 estudante primeiru anu hamutuk na'in-286 fahe ba turma 7, segundu anu 245 fahe ba turma 8.

Nune'e mós triseiru anu na'in-543 fahe ba turma 10. Totál estudante iha eskola Cristal na'in-1.076.

Eskola Ensinu Sekundariu nu'udár eskola privadu no Katólika nian, nune'e osan hodi selu ba mestri ho mestra sira no sosa fasilidade seluk mai husi estudante sira. (*)