Login to your account

Username *
Password *
Remember Me

Kandidatu Estudante foun hamutuk 5.582 Asesu ba UNTL

Ministru Ensinu Superiór Siénsia no Kultura (MESSK), Longuinhos dos Santos iha nia knar fatin Ministru Ensinu Superiór Siénsia no Kultura (MESSK), Longuinhos dos Santos iha nia knar fatin Foto Arkivu

Tempotimor (Dili)- Bazeia ba rezultadu ne'ebé fó-sai husi Ministériu Ensinu Superiór, Siénsia no Kultura (MESSK), kona-ba prosesu selesaun ba kandidatu estudante foun ne'ebé atu asesu ba Universidade Nasionál Timor Lorosa'e (UNTL) hamutuk 5.582.

Husi kandidatu foun 5.582 ne'e kompostu hosi rejime jerál no rejime espesiál.

Ministru Ensinu Superiór Siénsia no Kultura (MESSK), Longuinhos dos Santos, esplika rejime jerál ne'e loke oportunidade ba finalista husi esinu sekundária sira-ne'ebé foin remata iha tinan 2020 nian ne'ebé kompostu husi Eskola Sekundária Jerál (ESJ) ho Eskola Sekundária Téknika Vokasionál (ESTV) nian.

"Iha rejime jerál totál estudante ho 70% mak liu no rejime espesiál iha 30%mak pasa iha prosesu selesaun ida ne'e," Ministru Longuinhos dos Santos, ko'alia hodi fó-sai rezultadu selesaun ba estudante foun ne'ebé atu asesu ba UNTL iha Biblioteka Nasionál, INFORDEPE, Matadouru, sesta (05/02).

Nia hatutan, totál estudante foun sira-ne'ebé asesu UNTL ho Institutu Politéknika Betanu (IPB) husi rejime jerál nian hamutuk 4.075, maibé husi númeru ne'e 3.865 mak eskola iha UNTL no estudante hamutuk 210 mak asesu ba IPB.

Prezidente Komisaun ba Asesu Ensinu Superior Públiku, Maria Filomena Maia Guterres, informa rejime espesiál fahe ba kategória tolu mak hanesan kategoria oportunidade, veteranu no martir sira-nian oan, ikus liu mak hakbi'it, ne'ebé oferese ba família kbiit laek sira-nia oan.

Nia dehan, iha kategória oportunidade totál estudante sira-ne'ebé asesu ba UNTL hamutuk 422 no ba IPB estudante hamutuk 35, totál estudante hamutuk 457.

Husi kategória veteranu no martir sira-nia oan hamutuk 681, fahe ba UNTL hamutuk 661 no ba IPB hamutuk 20.

Nia hatutan, iha kategória hkbiit ka kbiit laek sira-nian ne'ebé asesu ba UNTL hamutuk 228, ba IPB hamutuk 20, totál estudante husi kategória ne'e, hamutuk 248.

"Númeru totál kandidatu estudante sira ne'ebé admitidu husi rejíme rua ne'e hamutuk 5.582 mak asesu ba eskola iha UNTL ho IPB," dehan nia.

Entretantu, prosesu asesu ba ensinu superiór públiku ba estudante foun tinan akadémiku 2021, ne'ebé implementa ona husi MESSK hahú ho aprovasaun ba diploma ministeriál númeru 32/2020, loron 16 fulan-setembru liuhusi diploma ne'ebé fó kompeténsia ba Komisaun Asesu ba EnsinubSuperiór (KAES) hodi responsábiliza ba atividade hotu-hotu relativa ba asesu ensinu superiór públiku.(*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter