Login to your account

Username *
Password *
Remember Me

Valór Boot La Liu UNTL, João 'Du'un' MESSK Mak Rekruta

Reitór Universidade Nasionál Timor Lorosa’e (UNTL), João Soares Martins ko'alia hela ba media sira hafoin sorumutu ho Primeiru Ministru Taur Matan Ruak iha palasiu governu, Segunda (08/02/21) Reitór Universidade Nasionál Timor Lorosa’e (UNTL), João Soares Martins ko'alia hela ba media sira hafoin sorumutu ho Primeiru Ministru Taur Matan Ruak iha palasiu governu, Segunda (08/02/21) Foto Tempo Timor

Tempotimor (Dili)-Liga ba Estudante finalista sira ne'ebé ho valór boot maibé la liu iha Universidade Nasionál Timor Lorosa'e (UNTL), maka Reitór João Soares Martins katak, la'ós UNTL nia responsabilidade, maibé Ministériu Ensinu Superiór Siénsia no Kultura (MESSK).

Reitór ne'e afirma, kona-ba estudante balun ne'ebé valor boot la liu iha UNTL ne'e so Ministériu MESSK Longuinhos do Santos no Prezidente Komisaun Asesu Ensinu Superiór (KAES) mak bele responde, tanba sira mak responsabliza. UNTL hein de'it rezultadu husi KAES bainhira submete estudante sira ne'ebé liu ona iha selesaun.

"Prosesu selesaun tomak iha komisaun asesu ensinu superior (KAES) ne'ebé dirizi husi sua exelensia Ministru Ensinu Superiór no Prezidente KAES ne'e mak Diretór Ensinu Superiór, purtantu UNTL mós iha nia membru na'in rua mak hola parte komisaun mais ha'u labele ko'alia iha ne'e, talvez ne'e só Prezidente KAES ho Ministru mak bele responde pergunta ne'e", dehan Nia hafoin sorumutu ho Primeiru Ministru Taur Matan Ruak iha Palasiu governu, segunda (8/2).

Nia mós dehan, atu deskobre kona-ba estudante valór boot la liu, maibé valór kiik mak liu ne'e presiza halo avaliasaun.

"Kuandu ita sidauk halo avaliasaun labele dehan iregularidade, di'ak liu cek didi'ak ho membru KAES no mós Prezidente KAES atu bele haree karik iha iregularidade, prontu ita ema nunka ses husi buat ne'ebé la loos",tenik Nia

Reitór ne'e subliña bainhira iha iregularidade maibé la ho intensaun, parese kestaun faillansu tekniku, maibé iha iregularidade ruma iha mekanismu par haree sasan sira ne'e.

"Karik ema ruma la kontente bele halo protesta, ha'u atu dehan de'it katak, lista ne'ebé mai ami ne'e, lista finál ami sei labele aumenta no hamenus," Nia afirma

Entretantu naran ne'ebé liu ona iha selesaun ba UNTL atu hahú prosesu aprendisajen iha tinan 2021 hamutuk rihun 5.582.(*)

Rate this item
(5 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter