Login to your account

Username *
Password *
Remember Me

Estudante Hetan Impedimentu Ba Osan Propinas no Alojamentu

Tempotimor (Dili) - Estudante sira ne’ebé hela iha Kapitál nasaun sente triste no hetan impedimentu tanba serka sanitária difikulta sira foti osan husi família hodi selu propinas eskola no alojamentu (osan selu kost).

Hafoin rezolusaun governu ho númeru 22/2021, loron 8 fulan-marsu, hodi implementa Serka Sanitária dahuluk iha munisípiu Dili sura husi loron 09 to'o 15 fulan-marsu 2021 no estende tan to'o loron 02 fulan-abril tinan 2021, rezulta populasaun barak mak hetan sofre inklui rendimentu família nian iha uma-laran rasik kestionável.

Situasaun ne'e, akontese mós ba estudante Francisco Noronha Belo, moris iha loron 03 fulan-agostu tinan 1995, husi Munisípiu Baukau, Postu administrativu Laga, Suku Atelari, ne'ebé oras ne'e hela iha Munisípiu Dili.

Iha kapitál nasaun ne'e, Francisco hala'o hela nia estudu iha ensinu superior husi Universidade Nasional Timor Lorosa'e (UNTL), nia hili Fakuldade Ekonómia, iha departamentu Ekonómia Jestaun, maibé nia aluga uma "kost" mak hodi hela.

La'ós ne'e de'it, mane ho oin bonitu, isin morena fuuk naruk ne'e, hala'o mós nia atividade negósiu iha Dili hahú kedan husi tinan 2008 liuba iha merkadu Hali-laran, no oras ne'e iha merkadu Taibessi.

Durante implementa Serka Sanitária iha kapital Dili, impede totál nia atividade negósiu iha merkadu Taibessi, tanba produtu ne'ebé nia fa'an, laiha ema ruma sosa, ikus mai laiha ona osan atu prepara selu eskola kada semestre no uma kada fulan.

Bainhira fa'an iha situasaun normal, bele hetan rendimentu to'o U$ 70, menus oituan de'it, maibé durante estadu emerjénsia ne'e, nia hetan to'o de'it U$20, dala-ruma susar tebes.

"Ami lamenta loos ida ne'e, tanba sasán ne'ebé atu fa'an, laiha ona, razaun ema la lori husi fatin seluk mai. Ezemplu hanesan ami estudante husi kost, atu foti osan husi ne'ebé mak atu selu kost nomós ho ami-nia eskola loroloron nian ba futuru. Ami susar tebes iha hahán no hemu”, dehan Francisco ba jornalista sira iha merkadu Taibessi, tersa (16/03).

Estudante husi UNTL ne'e dehan, iha situasaun difísil ida ne'e estadu tenke fó ajuda ba sira liuliu estudante hirak ne’ebé aluga uma iha Dili, tanba oras ne'e sira susar tebes hetan hahán loroloron nian.

"Ha'u husu ba governu atu tau matan mós ba ami estudante sira nia problema, liuliu kona-ba eskola ne'e, semana ida tenke iha. Agora sé ami la tama aula, no agora mós hela tan iha kost, ami susar tan”, afirma nia.

Hanesan vendedór iha merkadu Taibessi, nia esplika, dadaun ne’e produtu ne'ebé nia fa’an mak hanesan tomate, modo tahan inklui dulas nú.

"Mais agora, sasán kuran hotu ona, sasán atu mai husi foho mai laiha, tanba estadu taka hela dalan hanesan ne'e. Ami mós titip sasán husi foho mai, mais to'o de'it iha dalan klaran ne'ebá ema haruka fila no la tama to'o ami”, deklara nia.

Husu ba governu atu tau matan ba estudante sira iha Dili, no governu tenke loke filafali dalan hodi fó espasu ba sira bele buka osan hodi hadi'a moris.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter