"Ita halo ona levantamentu, iha Dili de’it horseik lista naruk ida ne'ebé ha’u simu serka de 20 eskola, seidauk simu husi Munisípiu sira seluk maibé ami hanoin lista serka 60 até 70 eskola”, dehan Armindo ba www.tempotimor.com iha Klinika Formoza Bairu dos Grillos-Dili, kuarta (07/04).
Governante ne'e akresenta, maioria husi eskola barak mak estragu maka’as maibé MEJD rasik seidauk halo kalkulasaun kustu orsamentu husi eskola ne'ebé estragu kauza inundasaun.
Hatan ba perguntas iha tempu badak hadi’a eskola sira ne'ebé hetan estragu, Armindo resposta presiza orsamentu.
"Ita tenke hare orsamentu, orsamentu la previstu ba ida-ne'e, entaun tenke haree”, hakotu Armindo.
Entertantu Inundasaun ne'ebé akontese kauze estragu totál infraestrutura báziku inklui eskola hanesan eskola bázika filial (EBF) Manleuana.(*)