“Depois tinan lima ka sanulu ami sei ba foti filafali nia restus mortais ba haloot iha nia moris fatin para, halo selebra seremonia kuktura ninian ida ne'e mak ami-nia planu," dehan Francisco iha edifísiu SIJK, Dili, sesta (16/04).
Maibé husu ba governu atu halo serku (lutu) iha simteriu Metinaro hodi asegura rate FG husi Animal.
"Ha’u rekomenda sujere ba governu bele karik halo serku (lutu) oan ida iha ne'ebá atu nune'e animal sira la bele sama”, dehan nia.
Família mós ko’alia oinsá hari’i nia krus no tau ai-funan no sunu lilin, maibé koopera nafatin ho SIJK.
Koordenadór Forsa Tarefa no Mitigasaun Surtu Covid-19 SIJK, Rui Maria de Araújo hatete, enkontru entre SIJK ho Família FG troka impresaun no simu sujestaun ba ai-fumam mudar Matebia nian.
"Sujestaun sira ne'ebé hatete hanesan selebra nia ai-funan midar, tau (hari’i kruz) ami mós kombina atu haree hamutuk”, dehan Rui.
SIJK mos louva ho maturidade família FG nia ne'ebé disponível sorumutu hodi troka hanoin no fó sujestaun ba SIJK nune'e ba futuru bele hadi’a di’ak liután prosedementu funeral.
Tuir planu loron haat tan (20/04) família hamutuk ho SIJK sei ba vizita rate FG hodi tau ai-funan no sunu lilin depois harii mós kruz iha rate matebian FG.(*)