Desizaun ne'e, hafoin enkontru entre Arkidioseze Metropolitana Dili ho ekipa Sala Situasaun Sentru Integradu Jestaun Krize (SIJK) iha loron kinta 22 fulan-abríl tinan 2021.
Enkontru ne'e, realiza husi Arkidioseze Metropolitana Dili, hamutuk ho Paroku, no vigariu parokial sira husi vigaria Dili, no reprezentante husi Ministériu Saúde ka SIJK, vise Kordenadora Forsa Tarefa Prevensaun, no Mitigasaun Surtu Covid-19, Odete da Silva Viegas Sentru ho nia ekipa.
"Ho ida ne'e, ha'u deside atu reativa fali Misa ba públiku no selebrasaun sakramental sira, hahú iha Domingu do Bom Pastor, 25 Abríl de 2021", Deklara Arcebispo Díli, Dom Virgílio do Carmo da Silva liuhusi komunikadu impresnsa ne'ebé www.tempotimor.com asesu, sábadu(24/04).
Pontu hirak ne'ebé importante iha desizaun reativa atividade misa iha Dili mak, kumpri nafatin medida preventiva, uza máskra, fase liman ho sabaun.
Husu Parokia sira multiplika misa dominikal hodi halibur ema barak. Limita partisipasaun povu sarani nian iha selebrasaun sakramentu liuliu iha batizmu no kazamentu.
Komúnikadu ida ne'e mós, bele suspende kualker momentu, wainhira situasaun surtu Covid-19 obriga. (*)