Tempotimor (Dili)-Ministru Ensinu Superior Siénsia no Kultura (MESSK), Longuinhos dos Santos, rekomeda estudante finalista husi Universidade Nasionál Timor Lorosa'e (UNTL) ba tinan 2021 sei gradua virtual.
“Kestaun de graduasaun husi UNTL nian se di'ak liu ha'u rekomenda katak ita uza online ka virtual puro”, hatete Ministru Longuinhos iha edifísiu MF Aitarak laran, kuarta (05/05).
Antes ne'e Reitór UNTL, João Soares Martins, aprezenta opsaun rua ba Ministériu Ensinu Superior Siénsia no Kultura, ba graduasaun estudante finalist sira.
“Ami mai ho proposta oin rua mak primeiru semi virtual siknifika ema valór mellores sira de'it, pois restante vertual no ida seluk mak virtual puro tanba posibilidade Serka Sanitária extensaun tan”, hatete Reitór UNTL. (*)