“Komemrasaun loron restaurasaun independensia iha situasaun difísil konvida povu asuwain no povu fiar na’in atu kaer lima hamutuk no husu ba iha nia an saida mak ita tenke halo atu ita sai husi susar ida ne'e”, afirma Dom Virgílio, iha Episcopal Lesidere, kuarta (19/05).
Tanba iha situasaun difísil ne’ebé Timor-Leste hasoru iha loron 4 fulan-abríl tinan 2021 ne'e obrig timoroan la moe fó tulun ba malu no tulun sira ne'ebé iha susar laran, nafatin hatudu Solidariedade ba malu iha tempu difísil nee hodi halakon inimigu Covid 19 iha Timor Leste.
Nune’e husu ba timoroan tomak agradese ba Maromak tanba iha situasaun difísil Maromak nunka abandona nia povu.
“Povu Timor-Leste Povu asuwain povu fiar na’in komemora loron aniversáriu restaurasaun independensia ba dala 19, ha'u-nia parabéns ba povu doben Timor-Leste, loron ida atu foti matan hateke ba leten agradese ba Maromak nunka abandona povu ne'e iha nia istória ba nia libertasaun”, dehan nia.
Maibé iha komemorasaun loron restaurasaun ne’e mós hateke ba kotuk timoroan ne'ebé kontribui ona ba Timor-Leste nia ukun rasik-an, ba sira ne'ebé mate ona no ba sira ne'ebé naran la tama lista no ema la temi. (*)
