“Ami halo reuniaun hamutuk ho Edukasaun Munisípiu Dili, kuarta (07/07), no ha'u fó orientasaun ne'ebé klaru bá sira atu pro-ativu liután hodi husu bá eskola sira iha Dili atu prepara-an iha semana rua nia laran hodi reativa ensinu aprendizajen prezensiál”, hatete Armindo Maia iha Minstériu Edukasaun, Vilaverde, kinta (08/07).
Iha enkontru daruak sei hahú fali iha loron 14 fulan-jullu, atu haree preparasaun saida mak eskola sira iha Dili halo ona, tanba dadus ne'ebé ministériu edukasaun simu husi servisu edukasaun munisípiu Dili katak eskola purvolta 76 mak preparadu ona atu reativa eskola.
Iha fatin la hanesan, Diretór Eskola Sekundaria 10 Dezembro, Domingos Savio Gusmão rekomenda ba governu liu husi MEJD atu loke dalan Munisípiu mai Dili, nune'e estudante sira ne'ebé iha foho bele mai tuir aula.
"Rekomenda liu husi MEJD, atu loke dalan Munisípiu mai Dili nian para estudantes ne'ebé mak agra iha foho mai fali Dili hodi tama eskola, no husu para labele trava estudantes ninia viazen, maibé fasilita estudantes sira nia viajen para mai tuir lisaun", nia rekomenda. (*)
