“Enkontru ho objetivu oinsá bele rekupera fali ba aula online ne’ebé durante ne’e estudante sira la tuir, no ami mós hasoru malu oinsá atubele troka hanoin kona-ba atividade konfinamentu, e ko'alia mós kona-ba suspensaun letiva prezensiál ensinus superior nian no rekuperasaun aula ba ensinu superior nian”, dehan MESSK Longuinos dos Santos iha salaun Delta Nova, kinta (29/07).
Tuir planu MESSK posibilidade fulan-agosto nia laran ne'e reativa ona aula prezensial, maibé sei tuir nafatin protokolu prevensaun Covid-19 husi Organizasaun Mundiál Saúde no Ministériu saúde.
Tanba ne'e, MESSK fahe ona ekipamentu covid -19 nian, liliu máskara hamutuk 3010, hand sanitaizer 2000, sabaun faseliman 10.000 no termu skeiner 40 simbolikamente ba magnifiku reitór sira husi ensinu superior públiku no privadu sira
Iha fatin hanesan Reitór Universidade Nasional Timor Lorosa’e (UNTL), João Soares Martins hatete, bainhira governu deside atu loke fali aula prezensiál, UNTL sei implementa uluk aula rekuperasaun ba estudantes sira ne’ebé mak durante ne’e la prezensa iha aula online.
“Kuandu governu autoriza ita bele reativas aula, maibé ba sira ne’ebé durante ne’e tuir aula online la kompletu ita sei prepara atubele halo aula rekuperasaun, hafoin ita-nia aula bele la'o hanesan tinan-tinan ita halo ona”, dehan nia. (*)