“Agora dadauk ita trata hela despaixu husi ministériu nian para atubele halo reativasaun ba aula prezensial ba instituisaun ensinu siperior iha territóriu sira tomak”, hatete Ministru Longuinhos, iha Palásiu Governu, kuarta (04/08).
Tanba MESSK hetan ona pareser favorável husi Ministériu Saúde (MS), nune'e bazeia ba pareser ne’e halo ona pareser ida hodi haruka ba kada Universidade no Institutu Públiku sira, inklui ajusta mós ho data kona-ba reativasaun aula prezensial.
“Data realiza ne'e depois ha'u hakerek iha pareser ne'e para sira realiza. Ida ne'e hein hela pareser husi ministériu nian. Ministériu saúde fó ona pareser favorável, purtantu ba ida ne'e para ha'u halo hela pareser ka karta sirkular ida ba instituisaun ensinu superior sira tomak para atubele realiza”, esplika nia. (*)