“Eskola ita-nia preparasaun ne'e antes kedas akontesimentu inisiu de Covid-19 alarga tama mai ita-nia nasaun. ESG 5 de maiu obedese tebes regras hotu ne'ebe husi Ministériu Saúde nian”, hatete nia liuhusi telefone, sábadu (07/08).

Durante ne'e, ESG 5 de maiu halo ona preparasaun profil hamutuk 6, atubele garante bee-moos ba estudante no funsionáriu sira fase liman.

“Depois ita la'ós ida ne'e de'it, maibé ita sei bele aviza ba labarik sira ne'e atu mantein nafatin distánsia sosiál, ida ne'e primeiru liuhusi saida, liuhusi kontaktu sira ne'ebé ita-nia hakbesik-an ba malu, belit malu ida ne'ebé loroloron ita toman malu ne'e”, dehan nia.

Tanba, situasaun Covid-19 ne'ebé Timor-Leste enfrenta dadauk, hothotu iha konsiénsia para labele belit malu, tanba moras ida ne'e la koiñese família, rán ida, ka feto san umane, ou reza.

“Ida ne'e mak ita tenke dezemina bebeik, hato'o bebeik iha avizu sira”, esplika nia.

Ho ida ne'e eskola prepara ona bee-moos tanki (profil) 6, maibé profil 4 ema deskoinesidu sira foti subar, lahatene profil ne'e komunidade se sé mak foti, tanba ne'e daduk eskola nia profil hela rua maibé ida aat ona.

Maibé eskola mós prepara ona balde atu tau ba sala oin, nune'e bainhira estudante sira tama sai aula tenke fase liman bebeik.

“Depois ba estudante atu garante distansia sosial, ita halo tan parte ida, entaun ita halo turnu tolu, turnu ida hahú tuku 8 to'o 11, turnu ida seluk husi 11 to'o tuku 2, no turnu ida ikus nian ne'e, klase 1 komesa husi tuku 2 to'o 5 oras Timor-Leste”, dehan nia.

Preparasaun hirak ne'ebé ESG 5 de Maio hala'o ne'e, sai nu’udar medida ida atubele evita kontaminasaun ka hada'et moras pandemia husi númeru estudante ne'ebé barak liu iha asesu ba prosesu aprendijazen labele butuk malu labele rame liu. (*)