“Ha’u hanoin diálogu komunitáriu ne’e atu fasilita informasaun tanba ita-boot sira mak sai na’in ba estadu, tanba ne’e Governu hakarak marka nia prezensa iha fatin hotu no iha responsabilidade hato’o prioridade Governu nian ba ita-boot sira”, dehan Akara iha diálogu komunitáriu, Suku Fahilebo, Postu Administrativu Bazartete, Munisípiu Likisa, segunda (09/08).
Tamba SEKomS nia kna’ar mak fasilita komunikasaun hodi fahe informasaun lala’ok Governu nian iha tempu hanesan, atu rona preokupasaun komunidade nian iha área rurál sira.
Husi diálogu ida ne’e mós presiza kolabora ho mídia no konsellu imprensa hodi divulga informasaun ba to’o nasionál.
Xefe Suku Fahilebo, Marcelino Da Cruz, agradese ba SEKOMS, tanba bele to’o suku Fahilebo ho programa Governu hodi rona povu nia preokupasaun.
“Agradese uain ba SEKomS, tanba bele mai to’o ona iha ami nia fatin, espera katak ami-nia suku ne'e sei naroman iha futuru ho programa naroman ba suku”, dehan nia.
Entretantu Suku Fahilebo iha Aldeia Tuhilo Leten, Tuhilo Kraik no Fatuneso, ho totál populasaun 1.646, ho Uma-kain 321. (*)