"Ho alterasaun ida ne'e permite filafali realizasuan eventu relijioza, sosiál, kulturál no desportu sira, maibé tenke kumpri medida sira prevensaun no kontrola Covid-19 nian", dehan Ministru Prezidennsia Konsellu Ministru, Fidelis Leite Magalhães, iha Palásiu Governu, kinta (09/09).
Regra sira ne'ebé mak aplika iha alterasaun dekretu lei ne'e tenke mantein distansia sosiál sira uza máskara sira taka inus no ibun inklui fase liman bebeik.
"Fase liman bebeik no bainhira hakarak tama iha instalasaun husi utilizasaun koletiva sira no la promove formasaun halibur malu ema barak", esplika nia.
Iha realizasaun funnébre sira tenke adota medida hirak ne'ebé prevene transmisaun vírus SARS COV-2 nian maibé ne'e sei permite prezensa iha serimónia funnébre sira husi ema na'in-10 ba leten.
Maibé tenke kumpri protokolu saúde nian no kumpri medida prevensaun no kontrola Covid-19 nian, Estadu Emerjénsia ne'e sei abranje territóriu tomak vigora to'o 23:59 loron 29 fulan-Setembru tinan 2021. (*)