Ministériu Ensinu Superior Siénsia no Kultura (MESSK), Longuinhos dos Santos hatete, estudante ne'ebé mak laiha kartaun vasina nian la partisipa iha aula prezensiál, maske lá'ós obrigatóriu maibé rekejitu atu ajuda la bele halo propagasaun moras Covid-19.
"Estudante sira ne'ebé mak la vasina sei tuir aula online, liuhusi profesór sira ne'ebé mak prepara ona materia, no pulsa ba estudante sira kada fulan tolu estudante ida hetan pulsa 10 dollar", dehan nia iha Palásiu Governu, kuarta (15/09).
Tanba vasina ne'e konsiénsia husi profesór no estudante ensinu superior nian no fiar katak profesór no estudante sira husi ensinu superior atubele simu vasinasaun ba futuru nian.
"Ha'u enkoraza mós ba profesóre sira no estudante hothotu iha konsiénsia ida katak, tenke halo vasina, tanba dalan úniku mak vasina, para aula prezensiál atu garante iha kontinuidade", afirma nia.
Tanba rekomendasaun husi Ministériu Saúde katak, bele realiza aula prezensiál maibé tenke kumpri regra protokolu Saúde nian, liliu fase liman, uza máskara no distansiamentu sosiál. (*)