Login to your account

Username *
Password *
Remember Me

Saudozu Ma’huno Nia Obra Sei Hela husi Jerasaun ba Jerasaun

Eis Komandante FALINTIL, José António Gomes da Costa "Mauhuno Bulerek Karathayano". Eis Komandante FALINTIL, José António Gomes da Costa "Mauhuno Bulerek Karathayano". Foto Suplay

Tempotimor (Díli)-Eis Komandante FALINTIL, José António Gomes da Costa "Mauhuno Bulerek Karathayano", hakotu ona iis hodi temina nia peregrinasaun iha Mundu, loron 24 fulan-Setembru tinan 2021, tuku 16:00 liu oras timor-leste (otl) iha Hospital Nasionál Guido Valadares, maibé nia obra no nia memoria sei hela ho hanoin husi jerasaun ba jerasaun.

Primeiru Ministru (PM), Taur Matan Ruak, deklara liafuan ne’e, bainhira ho nia espoza, Izabel Ferreira fó omenajen ba Saudoso Ma'Huno iha nia rezidénsia praia dos Coqueiros-Dili.

"Ita-nia maun nia isin lolon mak mate maibé nia obra, nia memoria sei perdura sei hela, sei hanoin husi jerasaun ba jerasaun”, dehan Taur, iha rezidénsia Saudoso Ma'huno, sábadu (25/09).

Tanba ne’e, Timor-Leste lakon eroi ida ho fundadór nasaun nian, nasaun lakon boot.

“Ita husu ba Aman Maromak fó fatin ba nia horik rohan la’ek husu ne'e nia rohan la’ek iha Maromak nia sorin, hodi kontinua tau matan ba ita sira ne'ebé moris atu hatutan obra ne'ebé sira husik hela, todan ba ami sira nasaun tomak iha sira-nia sorin povu tomak iha sira-nia sorin”, dehan Taur.

Nune’e husu ba Maromak atu lori korajen ba família no oan sira ne'ebé mak iha tristeza nia laran. “Ita husu parake sira kontinua fó forsa korajen ba família no oan sira para sira hetan forsa para rejistu iha situasaun ne'ebé difísil”.

Saudoso José António Gomes da Costa "Ma'huno Bulerek Karathayano" nia mate, Timoroan lakon éroi ida ho fundadór Repúblika Demokrátika de Timor-Leste, ne'ebé fó nia kontribuisaun dezde luta ba ukun-an, tuir mai resurjimentu no hamoris nasaun hanesan nasaun ida livre no independente iha rejiaun no mundiál.

Dadaun ne'e Ministru Asuntu Kombatente Libertasaun Nasionál (MAKLN), Júlio da Costa 'Meta Malik' no Sekretáriu Estadu Assuntu Kombate Libertasaun Nasionál, Gil da Costa Monteiro "Oan Soru" prepara hela kondisaun ba saudozo iha Muzeun depois mak lori ba fatin ikus tuir serimónia.

Antes ne'e Saudozu hakotu iis iha HNGV, saudozu infetadu ona pozitivu Covid-19 no halo tratamentu iha Sala Izolamentu Ospital Lahane hafoin muda ba Hospital Nasionál Guido Valadares (HNGV).

Saudozu José da Costa "Mauhuno" moris iha loron 14 fulan-Abríl tinan 1949, no iha tinan 1975 to'o 1999 envolve iha Partidu FRETILIN (Frente Revolusionáriu Timor-Leste Independente). Iha tinan 1990–1992 hanesan Sekretáriu Jerál Fretilin. No iha tinan 1992–1993 hanesan sai hanesan Prezidente Fretilin.

Nune'e iha tinan 2017 bainhira Partidu CNRT hari’i husi Kay Rala Xanana Gusmão, matebian assume kna’ar hanesan Vise Prezidente Partidu CNRT (Congresso Nacional Reconstrução Timorenses) to'o iis kotu.

Saudozu mós asume kargu iha funu laran hanesan Sekretáriu Rejiaun III Falintil, no iha tinan 1992–1993 hanesan komandante Falintil hafoin troka husi saudozu Komandante Nino Konis Santana. (*)

Rate this item
(1 Vote)
Last modified on Saturday, 25 September 2021 11:31
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter