Login to your account

Username *
Password *
Remember Me

MAPKomS Konvida Mídia Partisipa Kampaña Vasina Kontra Covid-19

MAPKomS, liuhusi Xefe Gabinete, Ivana Belo, hamutuk ho Sekretariadu vasina husi Gabinete MSSI realiza enkontru ho mídia nasionál sira, iha Palásiu Governu, kuarta (29/09). MAPKomS, liuhusi Xefe Gabinete, Ivana Belo, hamutuk ho Sekretariadu vasina husi Gabinete MSSI realiza enkontru ho mídia nasionál sira, iha Palásiu Governu, kuarta (29/09). Foto Tempo Timor

Tempotimor (Dili)-Ministériu Asuntu Parlamentár no Komunikasaun Sosiál (MAPKomS) konvida mídia nasionál sira atu partisipa Kampaña Vasina Kontra Covid-19 durante loron sanolu (10) nia laran.

Ministériu Asuntu Parlamentár no Komunikasaun Sosiál (MAPKomS), liuhusi Xefe Gabineti, Ivana Belo hateten, hafoin hasoru malu ho Sekretariadu Vasina husi Gabinete Ministériu Solidaridade Sosiál no Inkluzaun (MSSI) ne’ebé envolve mídia nasionál sira oinsá partisipasaun mídia nia iha kampaña vasinasaun.

"Kampaña vasina durante loron-sanulu ne'e ita hahú aban 30 agostu to'o 23 outubru 2021. Tanba ne'e mak ita presiza envolve mídia hotu tanba ita hatene katak mídia nia papél importante atu hamutuk ho membru Governu sira tun ba baze halo sosializasaun vasina kontra Covid-19 nian ba ita-nia komunidade nune'e motiva komunidade, sira bele hakat ba sentru vasinasaun hodi simu vasina”, dehan Ivana Belo, iha Palásiu Governu, kuarta (29/09).

Antes ne'e membru Governu sira tun ba baze halo sosializasaun vasina nian ba komunidade bolu de'it mak mídia estatál, maibé enkontru ne'e sei envolve mídia hothotu atu akompaña membru Governu sira tun ba baze.

"Ne'ebé ohin enkontru parte loraik sira ne'e kada mídia tenke aprezenta ona  lista jornalista sira nune'e ita bele halo destakadu jornalista sira ba kada membru Governu sira tun ba baze”, dehan nia.

Ba atividade ne'e hala'o tanba ekipa Ministeriál de'it kada Ministériu ida bele kobre Munisípiu rua, halo sosializasaun vasina nian ba komunidade, maibé agora desizaun Konsellu Ministru nian fó sai katak membru Governu hothotu sei partisipa iha kampaña vasinasaun refere.

"Entaun agora kada munisípiu iha membru Governu na'in rua ka hanesan Ministru ida, Sekretáriu Estadu ida ka rua mak sei responsabiliza Munisípiu ida halo kampaña vasina kontra Covid-19 nian ba ita-nia komunidade, tanba ne'e agora kada munisípiu fahe hotu ona membru Governu sira tun ba halo sosializasaun vasina nian ba komunidade ne'ebé balu hahú ohin hala'o ona no balu hahú aban to'o loron ne'ebé termina”, esplika nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter