Login to your account

Username *
Password *
Remember Me

SEKomS Deside Hari’i Sentru Informasaun iha Suku Rua

Xefe Suku na’in-rua asina hela akordu ho SEKomS ba kriasaun Sentru Informasaun, iha Gabinete SEKomS, Palásiu Governu, kuarta (29/09). Xefe Suku na’in-rua asina hela akordu ho SEKomS ba kriasaun Sentru Informasaun, iha Gabinete SEKomS, Palásiu Governu, kuarta (29/09). Foto Tempo Timor

Tempotimor (Dili)-Sekretáriu Estadu Komunikasaun Sosiál (SEKomS) liuhusi nia Xefe Gabinete, Osoriu Almeida, deside selebra akordu ho Xefe Suku na’in-rua husi Suku Fuat, Postu Administrativu Iliomar, Munisípiu Lautein, no suku Seloi Kraik, Postu Administrativu Aileu Vila, Munisípiu Aileu, hodi hari’i sentru informasaun.

"Sim ohin SEKomS selebra kontratu ho suku rua, hanesan ohin ita esplika katak tinan ida ne'e, ita aumenta suku pilotu rua, mak suku Fuat ho suku Seloi kraik, e sira ohin asina kontratu para estabelese hari’i sentru de informasaun iha suku refere”, dehan Osorio,iha Palásiu Governu, kuarta (29/09).

Hodi akordu ne’e, espera sentru informasaun ne'ebé mak Governu estabelese iha suku sira ne'e inklui suku sira seluk, sei esforsu hodi dezenvolve no divulga atu mantein, ba tinan naruk ho nia sustentabilidade.

Tanba ne'e mak Governu sempre apoiu nafatin, sentru ne'ebé estabelese ona, nune'e sentru ne'e labele mate iha dalan klaran.

"Maibé la siknifika sentru ne'ebé ami estabelese ona ne'e kontinua tenke apoiu la’e, Governu liuhusi monitorizasaun avaliasaun bazeia ba rezultadu avaliasaun,sentru ne'ebé bele kontinua apoiu, suku sira ne'ebé ladún iha vontade bele desmantela, oferese ba fali suku seluk ne'ebé iha vontade, bazeia ba avaliasaun ne'ebé mak Governu halo, ba sira-nia progresu, sira-nia atinjimentu, liliu ba programa no saida mak sira halo ne'e”, dehan nia.

 Xefe suku Fuat, Postu Administrativu Iliomar, Martins Pinto, haksolok ho akordu ne'e, tanba liuhusi akordu ne'e atu hari’i sentru informasaun iha suku Fuat hodi bele ajuda komunidade sira asesu informasaun husi nasionál ba to’o iha suku nomós husi suku ba nasionál.

"Asina kontratu hodi hari”i sentru informasaun iha ami-nia suku, atu hato'o informasaun no diivulga informasaun iha ami-nia suku ba nasionál, nune'e mós husi nasionál mai iha ami-nia suku, no ha'u hanoin programa ne'e, programa ne'ebé furak tebes ba futuru joventude nia, no futuru komúnidade nia hodi asesu informasaun”, dehan nia.

Xefe suku Seloi-Kraik, Gabriel Mendonça hatete, programa ne'e foun ida ne'ebé sira hetan husi SEKomS rasik, oinsá atu hakbesik informasaun nasionál ba baze no hanesan mós iha baze ba nasionál.

Nu'udar autoridade lokál nafatin resposável ba estrutura no ba orsamentu ne'ebé iha atu garante katak nia prosesu ne'e la'o di'ak iha suku.

"Informasaun sira mak hanesan, kualquer atividade komunidade sira halo iha suku, bele prosesu liuhusi programa sentru informasaun ne'e ba nasionál e ba territóriu e nune'e mós programa ne'ebé estabelese iha Governu komunidade bele asesu liuhusi sentru informasaun refere”, afirma nia.

Ho estabelesimentu Sentru Informasaun iha Suku ne'e konforme pedidu husi suku ho nia valór la hanesan, suku ida kuaze  rihun US$10, atu apoiu ba sentru refre. (*)

Rate this item
(0 votes)
Last modified on Thursday, 30 September 2021 08:52
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter