"Ami prepara ona vagas ne'ebé se lasala ho númeru 3.000 itál maibé ne'e sei iha diskusaun, ami haree tuir ba kapasidade sala de aula no númeru profesór ne'ebé mak iha entaun ami propoin purvolta de 3.000 mill ital estudante", dehan Reitór UNTL hafoin sorumutu ho PR Lú Olo iha Palasiu Prezidente Bairopite, tersa (19/10).
Maibé diskusaun la'o hela tanba simu estudante foun ne'e liuhusi komisaun asesu ensinu superiór ne'ebé mak ekipa konjunta liga ho Ministériu Ensinu Superior no Kultura no UNTL ne’ebé hola parte iha prosesu refere.
"Mais ha'u fiar katak ba Governu parese sei iha tan aumenta balun ke ami sei negosia", esplika nia.
Enkuantu UNTL hanesan universidade públiku, talves sei iha diskusaun ho Ministériu Ensinu Superior no Kultura hodi haree númeru finál tanba haree ba kondisaun sala de aula ho númeru profesór.
"Prontu ita hakarak aposta ba kualidade maibé iha limitasaun ne'ebé ita iha, númeru profesór ne'ebé ita sura karik ami iha estudante 40 millaun no profesór 400, quezer hanorin ema atus-ida, ne'e tuir los labele, ema ida tenke hanorin 25 ou 30”, afirma nia.
Iha esforsu barak ona tenta hadi’a aumetan tan konstrusaun foun ba sala de aula maibé seidauk bele responde ba nesesidade hotu.
"Ita espera katak, prosesu dezenvolvimentu liliu konstrusaun ba infraestrutura sei bele kontinua nafatin, husu gGvernu no parseiru sira bele apoiu nafatin atu ita bele atinje kualidade Ensinu superior ne'ebé ita hotu mehi”, dehan nia. (*)