Portavós Adelino Halesma Pires hatete, prosesu rekrutamentu ne’ebé MEJD loke ba funsionáriu hamutuk-93 ne'e finaliza ona desde tinan 2019 liubá, maibé to'o agora seidauk fó servisu.

"Tipu vaga ne'e iha lima, Rekursu Umanu, imprime, Infraestrutura, Kuríkulu, no Tékniku infransaun. Ne'ebé na'in-93 mak pasa iha prosesu ne'e”, dehan nia hafoin audénsia ho Komisaun G iha Parlamentu Nasionál, segunda (25/10).

Maske, komisaun organizadora ba rekrutamentu ne'e envolve direta husi Komisaun Funsaun Públika (KFP), inklui Ministériu Edukasuan Juventude no Desportu maibé prosesu refere to'o oras ne'e laiha kontinuasaun.

"Rekrutadu 93 pesoál ne'e, nia rekruta ne'e mós liuhusi problema ida ke Ministra Edukasaun Juventude no Desportu sesante hapara 273 pesoál, e ami espesial tanba ba hatama vaga ne'e polísia salva e fo seguransa absoluta”, afirma nia.

Ho situasaun ne'e, reprezentante ajente rekrutadu nain-93 deside hasoru Komisun G trata aauntu edukasaun oinsá bele fiskaliza ba problema ida ne'e iha Ministériu.

"Ami konsidera katak, Ministériu la fó valór ona ka la konsidera ona ami-nia diretu nuudar sidadaun timoroan. E ami rekomenda Komisaun G ne’ebé trata asuntu edukasaun, e atu halo tok fiskalizasaun”, dehan nia.

Haree ba vaga ida ne'e, iha tinan 2020 MEJD projeta mós proposta OJE 2020 temi mós ajente na’in-93 pesoál, ne'ebé mak rekrutadu.

Purtantu mai fali OJE 2021 mós Ministru Armindo Maia nafatin lori proposta ba aprezenta iha PN, enkuantu deputadu sira kestiona kona-ba ida ne'e, Ministru hatan katak prosesu ne'e semana ida tán atu finaliza, maibé realidade la akontese.

"La sala iha fulan-Ffvereiru 2021, Ministru mai fali halo audénsia ida ho Primeiru Ministru, dehan katak prosesu ne'e iregularidade. E ami atu dehan de'it nune'e, prosesu ida iregularidade ne'e ami la hatene e ami vítima nu’udar sidadaun timoroan ba prosesu ida ne'e. Maibé Ministru iha kompeteésia atu halo prosesu tuir dalan legál, ba ekipa ne'ebé mak uluk fó rekruta ba ami”, hatete nia. (*)