"Ohin ha'u rona husi Koordenadór konsultoriu lingua para jornalista katak prosesu la’o di’ak no nia progresu kuaze jornalista 200 mak sai benefisiariu, no atu informa katak kooperasaun nia rezultadu mak jornalista sira hakerek lingua portugés ho di’ak,seidauk 100%, maibé bele dehan jornalista Timor-Leste ne’ebé partisipa iha projetu ida ne'e kuaze hakerek notísia ho língua Portugés 80%, ne'e di'ak tebetebes”, dehan Mericio Juvinal do Reis, iha Palásiu Governu, kuarta (17/11).
Durante ne'e Governu Timor-Leste iha kooperasaun ho institutu Camões liuhusi embaixada Portugal fó formasaun ba jornalista sira hahú iha 2016, oinsá jornalista bele hakerek notísia iha lian portugués ho kualidade di’ak.
Tanba ne’e, projetu refere sei kontinua tuir availasaun ne’ebé mai husi institute Camões hakarak, no espera to’o tinan 2023 bainhra projetu ne’e finaliza, jornalista sira maioria bele iha ona kapasidade hakerek notísia iha lian portugés
La’ós ida ne’e de’it, tanba iha mós formasaun tékniku oinsá jornalista iha kapasidade ba área finansa matemátika no setór sira seluk, tanba jornalista sira halo kobertura ba setór sira hotu, mak projetu ne’e fó formasaun tékniku kona-ba lian atubele hakere ho di’ak.
Embaixador Portugal iha Timor-Leste, José Pedro Machado Viera hatete, Institutu Camões sei apoiu nafatin jornalista Timoroan sira atubele hakerek di’ak notísia iha lian portugés no tetun:
"Ami nafatin apoia jornalista iha Timor-Leste, atubele hakerek notísia iha língua Portugés ho di'ak inklui mós língua tetun”, afirma nia. (*)