SEKoop Partisipa Komemorasaun Loron 28 Novembru iha Darsula

By Tempo Timor November 28, 2021 898

font size decrease font size increase font size
Print
Email

Korpu isar bandeira hasa’e hela Bandeira Nasionál iha Darsula, Suku Gariuai, Baukau, domingu (28/11). Foto Suplay

Tempotimor (Baukau)-Sekretáriu Estadu Kooperativa (SEKoop), Elizário Ferreira, partisipa komemorasaun loron proklamasaun Independénsia 28 Novembru ba dala-46 ne'ebé realiza iha Aldeia Darsula, Suku Gariuai, Postu Administrativu Baukau Vila, Munisípiu Baukau.

Iha serimonia hasa'e Bandeira Repúblika Demokrátika Timor-Leste (RDTL) hahú iha oras tuku 9:00 otl.

Serimonia Nasionál ba Loron importante ida ne'e hetan partisipa másimu husi Komunidade iha Postu Administrativu sira iha Munisípiu Baukau nian.

Iha komemorasaun ne'e Komisaun Organizadora prepara fatin ba Ministériu relevante sira halo feira ba ida-idak nia produtu atu promove iha loron nasionál ida ne'e.

Alende ne'e mós loke kompetisaun Sa'e Bua ba komunidade sira iha Aldeia Darsula, Suku Gariuai nian.

Komisaun Organizadora Preparasaun ba Komemorasaun Loron 28 Novembru tinan 2021 ba dala-46, husi Ministériu Administrasaun Estatal no Ministériu sira seluk. (*)

Rate this item

(1 Vote)

Last modified on Sunday, 28 November 2021 17:02

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com