Login to your account

Username *
Password *
Remember Me

Arte Moris Presiza Fatin Dignu, Governu Uza Forsa Hasai  

joven sira-nia obra ne'ebe Guarda Munisipiu Dili soe sai husi edifisiu Arte Moris, Komoro. joven sira-nia obra ne'ebe Guarda Munisipiu Dili soe sai husi edifisiu Arte Moris, Komoro. Foto Suplay

Tempotimor (Dili)-Governu ne’ebé lidera husi Primeiru Ministru, Taur Matan Ruak, uza forsa hodi hasai joven sira husi fatin ne’ebé utiliza hodi espresa sira-nia kreatividade, maske durante ne’e Asosiasaun Arte Moris esforsu koopera ho Governu atu deside fatin ne’ebé dignu, maibé laiha solusaun.

Tanba iha loron 01 fulan-dezembru 2021, Miniteriu Justisa liuhusi Diresaun Nasionál Terras no Propiedade, hasai despaisu hodi ba Guarda Munisipiu Dili husi Autoridade Munisipiu Dili hodi hasai joven sira-nia obra iha Arte Moris (Eis Muzeum) Komora.

Portavoz Asosiasaun Arte Moris, Eugenio Pereira hatete, durante ne’e sira esforsu hodi koopera ho Governu halo audénsia, tanba presiza fatin dignu ba obra ne’ebé joven sira halo, maibé Governu uza forsa hasai sira-nia sasán.

Tanba durante ne’e joven sira esforsu no koopera ho Governu, relasiona ho dezisaun Governu nian liuhusi Ministériu Justisa ba fatin (eis muzeu nasionál) ne’ebé daudaun ami utiliza atu atribui hikas ba Konsellu Kombatente Libertasaun Nasionál (KKLN).

“Durante tempu lubun ami halo esforsu oioin tuir lei haruka hodi koopera ho Estadu no Governu hanesan halo audénsia ho Prezidente Repúblika, Asesor Primeiru Ministru, Sekretáriu Estadu Terras Propriedade, Sekretáriu Estadu Komunikasaun Sosiál, Sekretáriu Estadu Arte no Kultura, submete rekursu hirarquico hasoru Terras Propriedade, maske Ministériu Justisa indefere no partisipa iha diálogu nasionál ne’ebé ko’alia kona-ba garantia direitu asesu ba rai no propriedade", dehan nia iha Arte Moris, Komoro, Kinta (02/12).

Arte Moris hanesan komunidade arte ne’ebé halibur artista sira, desde tinan 2003 to’o ohin loron. Arte Moris hanesan mós eskola naun formál ne’ebé oferese espasu aprende artistiku nian ba públiku ho gratuitu, durante nia ejisténsia.

Durante Arte Moris nian ejisténsia, liuhusi eskola naun formál ne’e, lori hikas joven sira ne’ebé hamahan-an iha ne’e, inklui públiku ba aprende valór koletivu ka matenek orgániku husi rezisténsia nian ne’ebé ejiste iha rai liur no rai laran.

“Valór koletivu no matenek orgániku hirak ne’e transforma liuhusi produsaun artistika hirak hanesan múzika, pintura, teatru, dadolin, aiknanoik, eskultura, multimedia inklui halo re-invensaun ba instrumentu arte nian”, esplika nia.

Husi esforsu hirak ne’e hotu, joven sira hatudu ona kooperasaun sem rezerva ba Estadu no Governu hodi kontribui ba hari’i dezenvolvimentu ida egualitáriu no la halo esplorasaun husi ema ba ema.

Maske nune’e, iha loron 1 fulan-dezembru 2021, Ministériu Justisa aplika ona “despacho da ordem de despeso administrativo” hodi hasai forsadamente joven sira-nia obra lubun hodi so’e sai iha liur sem fatin serteza ne’ebé dignu. (*)

Rate this item
(0 votes)
Last modified on Thursday, 02 December 2021 23:43
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter