Login to your account

Username *
Password *
Remember Me

Tempotimor (Dili) - Eis-Komadante Jeral Polisia Nasional Timor-Leste (PNTL), Paulo Fatima Martins, husu Primeiru Ministru, Taur Matan Ruak, atu servisu didi'ak ho membru governu sira hotu para bele tau matan ba povu.

TempoTimor (Dili) - Prezidente da Republika Dr. Francisco Guterres Lu Olo nafatin fo fiar ba VIII Governu konstitusional no Xefe Estadu mos parabeniza movimentu partidu Politiku sira ne’ebe konsege hetan konsertasaun ida iha parlamentu hodi solusiona ba situasaun politika, social no asuntus Covid 19 ne’ebe nasaun ne’e hasoru.

Tempotimor (Dili)-Primeiru Ministru Taur Matan Ruak husu ba Timor-ona hotu atu iha semana paskua ne'e nafatin mantein iha uma no reza ba Maromak hodi husu atu hadook surtu Covid-19 husi Timor-Leste.

Tempotimor (Dili)-Primeiru Ministru Taur Matan Ruak deklara katak nia razaun hasai Elia dos Reis Amaral husi kargu Vise Ministra Saúde tanba nia lakon ona konfiansa.

Tempitimor (Dili) - Primeiru Ministru, Taur Matan Ruak, deklara bainhira situasaun obriga relasiona ho moras Corona Virus Diseases 2019 (Covid-19) maka Timor-Leste sei izola aan ba Mundu.

Tempotimor (Dili) - Impase polítika ne'ebe dadaun ne'e mosu iha rai laran, nu'udar konsekuénsia husi malisan mina-rai.

Tempotimor (Dili) - Maski Orsamentu Jerál Estadu (OJE) tinan fiskál 2020 la pasa, maibé Prezidente Repúblika (PR), Francisco Guterres Lú Olo fó nafatin kompetensia ba Taur Matan Ruak, hodi asume kargu Primeiru Ministru ho ninia kompeténsia tomak.

Tempotimor (Dili) – Parlamentu Nasionál, Segunda (23/12/19) aprova ona pedidu husi governu, kona-ba debate urjénsia ba proposta lei Orsamentu Jerál Estadu (OJE) tinan fiskál 2020. Aprovasaun ne'e ho votus  favor 37, kontra no abstensaun 0.

Deputadu Bankada KHUNTO, Luis Roberto hatete, governu nia pedidu urjénsia ne'e importante. Tanba, rejimentu PN nian mós fó dalan.

"Ba ha'u, proposta governu nian ne'ebé mai ho urjénsia ne'e, ita nia rejimentu iha artigu 97 ne'e fó dalan. Tanba ne'e, karatér urjénsia ne'e ita mak husu ba ita nia an," tenik Luis.

Iha fatin hanesan, deputadu António da Conceição afirma, maske proposta ne'ebé governu aprezenta ba PN iha loron Sesta (19/12/19) nu'udar proposta foun, maibé nu'udar kontinuasaun ida husi proposta ne'ebé retira ona husi governu.

"Ita haree ba proposta ne'ebé  governu aprezenta ne'e, importante tebes, ba vida nasaun nian, maka Orsamentu Jerál Estadu. Maski governu la fó razaun fundamentál, maibé ha'u halo leitura katak, iha razaun tanba primeiru governu aprezenta no debate tiha ona,  depois retira no ba hadi'a depois aprezenta fali," afirma António.

Entretantu, deklarasaun husi deputadu hirak ne'e fó biban ba Ministru Reforma Lejistativa Asuntu Parlamentar (MRLAP), Fidelis Manuel Leite Magalhães atu fó razaun ba PN, kona-ba pedidu urjénsia, nasaun presiza moris ho orsamentu. Inklui mós hodi labele dada tempu naruk ho orsamentu duadesimál.

"Nune'e, orsamentu ne'e urjensia ka lae, depende ba desizaun plenária. Maibé atu dehan katak nasaun ida atu moris presiza orsamentu," dehan Fidelis.

Tempotimor (Dili) –  Prezidente Parlamentu Nasionál (PPN), Arão Noé de Jesus Amarál hatete, pedidu urjénsia ne'ebé governu hato'o ba Parlamentu Nasionál bele diminui tempu ba audensia, maibé tempu ba debate jeneralidade no espesialidade sei la diminui.

“Mantein nafatin  3 no 10 dias,” afirma Arão Noé, Segunda (23/12/19) iha Parlamentu Nasionál, relasiona ho pedidu ho karakter urjénsia, kona-ba diskusaun Orsamentu Jerál Estadu (OJE) 2020, ne'ebé governu submete ba Parlamentu Nasionál  (PN).

"Se ohin mak plenaria konkorda pedidu urjénsia, ita bele halo ajenda hodi diminui tempu ba audensia. Mais, labele redus tempu ba debate jeneralidade no espesialidade," nia dehan.

Tuir PPN, kuandu plenária la konkorda pedidu urjénsia, mak sei la'o tuir prosesu normal. Nia dehan, mantein nafatin tempu ba komisoes sira halo audensia 15 dias. Depois, iha Fevereiru mak foin bele aprova OJE 2020.

“Iha plenária ne'ebé atu halo apresiasaun ba pedidu urjénsia. Aprova ou lae, baixa kedas lei ne'e ba komisaun sira para bele prepara ba audensia no relatóriu parser,” PPN hatete.

Tempotimor (Dili) – Diretora Korpu da Paz, Josephine (Jody) Olsen deklara, nia parte sei nafatin esforsu maka'as hodi kontribui ba dezenvolvimentu nasaun Timor-Leste, liuliu iha área ekonomia.

"Hau mai atu ko'alia ho Primeru Ministru (PM) Taur Matan Ruak, kona-ba prezensa Korpu da Paz iha Timor-Leste, i koalia mós kona-ba dezenvolvimentu ekonomia komunidade nian no mós sira nia papél ba edukasaun," dehan Josephine Oslen ba jornalista hafoin hasoru PM iha Palásiu Governu, Tersa (10/12/19).

Iha sorumutu ho PM Taur, tuir Oslen, nia mós ko'alia kona-ba impaktu Korpu da Paz nian iha nasaun Timor-Leste.

“Ha'u hetan resposta di'ak husi Primeru Ministru Taur Matan Ruak, ne'ebé prontu apoiu nafatin programa Korpu da Paz nia prezensa, iha Timor-Leste.

Membru 200

Hahú 2002 to'o agora, tuir Olsen, membru Korpu da Paz iha Timor-Leste hamutuk 200 servi ona ba dezenvolvimentu Timor-Leste.

"Ami agradese tebes ba lideransa Timoroan sira hanesan, xefe suku, sosiedade Sivil no populasaun Timoroan sira ne'ebé simu ami ho di'ak iha ami nia voluntariu ne'e," dehan Josephine.

Nia sublina, programa Korpu da Paz nian, atu habelar liután hodi inklui projetu edukasaun lian Inglés ne'ebé, mellora lian Inglés iha eskola hotu-hotu ne'ebé ezisti iha Timor-Leste.

Diretora hatete, programa Korpu da Paz funsiona hodi fortaleza relasaun entre povu Amérika no Timor-Leste, no apoiu nasaun Timor-Leste nia meta sira ba dezenvolvimentu.

Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter