Tuir informasaun ne’ebé www.tempotimor.com asesu iha pájina AIFAESA,kuarta (08/06) katak, AIFAESA kontinua defende konsumidór no promove konkorénsia leal ba operadór ekonómiku sira.
Antes halo inspesiona ba estabelesimentu sira, ekipa fó koñesimentu ba Autoridade RAEOA hodi informa atividade inspesaun no fiskalizasaun ne'ebé hala'o iha Rejiaun refere.
Aliende ne'e, ekipa mós halo koordenasaun Autoridade Seguransa PNTL, Oekussi hodi hetan apoiu seguransa.
Nune'e, Ekipa Operasionál intensifika kontrolu ba estabelesimentu sira iha Sub-Rejiaun Pante Makasar, hodi garante kualidade ai-hán ba konsumidór sira.
Enkuantu iha atividade ekipa inspetór sira konsege inspesiona estabelesimentu hamutuk, Neennulu-resin-neen (66), husi ne'e atividade refere inspetór sira rezulta prosesu hasoru operadór ekonómiku tolu (3), rua (2) kontinua komersializa produtus expiradu, enkuantu ida (1) seluk komersializa tabaku ilisítiu.
Iha biban ne'e operadór ekonómiku voluntáriamente entrega produtu expiradu (liu prazu) ba inspetór AIFAESA. (*)