Tuir informasaun ne’ebé www.tempotimor.com asesu husi pájina Governu Timor-Leste, kuarta (06/07) katak, p’ublikasaun ne’ebé halo tuir kalendáriu Elaborasaun orsamentu Jerál Estadu (OJE) 2023 nian.
“Iha 15 Jullu, Konsellu Ministrus (KM) aprova Tetu Desagregasaun Orsamentu”, deklara komunikadu ne’ebé públika iha pájina Governu.
Nune’e mós iha loron 20 Jullu, Ministériu Finansas fó sai sirkulár preparasaun OJE 2023 no distribuisaun Tetu Desagregadu ba instituisaun kompeten sira.
Iha loron 17 Agostu, Konsellu Ministru sei aprova alokasaun orsamentu tuir Programa sira ne’ebé define ona atu implementa iha tinan 2023.
Ba loron 15 fulan-setembru, KM aprova Proposta Projetu Lei (PPL) OJE 2023 nian, no 1 Outubru, Governu entrega PPL OJE 2023 ba Parlamentu Nasionál (PN).
Iha fulan-novembru, hahú halo diskusaun PPL OJE 2023 iha PN, no 15 Novembru, deputadu sira iha PN halo votasaun PPL OJE 2023, hodi haruka ba Prezidente Repúblika atu estuda no foti desizaun veta ka Promulga.
Nune’e mós iha fulan-dezembru nia laran Prezidente Repúblika promulga Lei OJE 2023, hodi kontinua halo públikasaun Lei OJE 2023 iha Jornál Repúblika. (*)