“Projetu deliberasaun aprezenta ona husi Ministru Petróleu no Minerais. Deliberasaun ne’e haree ba saida maka define ona iha Dekretu-lei númeru 43/2022, loron 8 fulan-juñu, ne’ebé kria ona KMTL, hodi determina katak direitu sira Estadu nian nuudar asionista ezerse liuhusi ema ne’ebé hili husi deliberasaun Konsellu Ministrus, tuir proposta husi membru Governu ne’ebé responsavel ba área rekursu umanu”, dehan Ministru Prezidénsia Konsellu Ministru (MPKM), Fidelis Leite Magalhães, iha Palásiu Governu, kuarta (03/08).
Aleinde ne'e, Ministru Petróleu no Minerais aprezenta mós proposta deliberasaun, ne’ebé mós aprova husi Konsellu Ministrus, kona-ba aprovasaun naran Eliud de Jesus Gomes, hanesan Prezidente Konsellu Administrasaun, atu hili iha Asembleia Jerál, tuir proposta membru Governu ne’ebé responsavel ba área rekursu umanu iha Kompaña Mineira Timor-Leste, SA, tuir ho Dekretu-lei númeru 43/2022, loron 8 fulan-juñu, ne’ebé kria ona KMTL. (*)