"Los duni ekipa deteta Empreza ne'e kontinua komersializa Produtu liu prazu hanesan, na'an-manu espiradu ho marka "Seara", hamutuk 107 Kaixa ne'ebé kaduka iha 11/08/2022, Na'an-Manu espiradu ho marka "Frozen Chicken", hamutuk 21 Kaixa ho data validade kaduka iha fulan 11/2022, nomós Sosis Produtu Xinéz espiradu hamutuk 21 Kaixa ne'ebé kaduka ona iha loron 09/07/2022", tuir informasaun ne'ebé www.tempotimor.com asesu iha pájina AIFAESA, sabadu (31/12).
Tuir responsavel armazen SEARA Supermerkadu, Crisando hateten, produtu sira ne'ebé ohin AIFAESA deteta ne'e failansu hosi tékniku iha armazen no sei hadi'a jestaun ba kontrolu no halo manejamentu ne'ebé di'ak hodi asegura produtu hirak ne'e.
Produtu espiradu hirak ne'e responsavel Armazen no kompaña sei koordena ho AIFAESA hodi halo destroisaun.
Iha Fatin hanesan, ekipa mós halo selazen ba produtu aprendidus hirak ne'e hodi asegura iha lokál kompaña Seara hodi hein prosesu tuir mai.
Alende ne'e, Xefe Divizaun Operasaun mós Afirma, sei foti sansaun ne'ebé rigoroju liu tan ba empreza, tanba kontinua komersializa produtu espiradu, maske Kompaña ne'e rasik sei iha prosesu koontraordenasaun ba aktus ho tipu infrasaun ne'ebé hanesan. (*)