Xanana Reprezenta TL Ba Ekonomia Azul

Eis Prezidente no Eis Primeiru Ministru, Kay Rala Xanana Gusmao Eis Prezidente no Eis Primeiru Ministru, Kay Rala Xanana Gusmao Foto Wikipedia
Tempotimor (Dili) – Oitavu governu Konstusional ofisialmente aprova rezolusaun ba nomeasaun Kay Rala Xanana Gusmão nu'udar reprezentante ekonómia azul iha Timor-Leste, ne'ebé Nasoens Unidus hahú dezenvolve ona.
 
"Konsellu Ministru (KM), aprova proposta ne’ebé Primeiru Ministru aprezenta, hodi hatuur Xanana nu'udar reprezentante espesiál ba Ekonomia Azul,” informa Ministru Prezidénsia Konsellu Ministru (MPKM), Agio Pereira iha Palásiu Governu, Kuarta (18/12/19).
 
Nia dehan, pozisaun ne'ebé governu nomeia Kayrala Xanana Gusmão ne'e, hodi halo advokásia no apoiu iha nivél nasionál no internasionál.
 
"Pozisaun ida ne’e, nia objetivu mak fó advokasia no apoia iha niveI nasionál no internasionál kresimentu ba ekonomia azul iha Timor-Leste. Oinsá uza ho didi'ak rekursu oseániku sira hodi hasa’e ekonomia, ne'ebé aprezenta oportunidade barak tebes ba Timor-Leste ba ninia dezenvolvimentu sosiál no ekonomiku," dehan Agio.
 
Agio afirma, ekonomia azul ne'e mundu tomak no nasoes unidus promove maka'as loos. Tanba ne'e, relevante ba Timor-Leste hafoin manan iha concilition comition, buat ne'ebé United Nations Convention for develop the sea (UNCLOS) ne'ebé fó knaar todan ba Timor-Leste para tau matan ba tasi. Liuliu, tasi ne'ebé partense ba Timor-Leste ninian.
Rate this item
(5 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.