Kandidatu traballadór hirak ne’e, tuir ona teste iha Munisípiuiha tinan 2016, 2017 no 2018. Maibé, pasa ho valor C. Tan ne’e, SEFOPE liuhusi Diresaun Nasionál Empregu Exteriór (DNEE) fó teste dala ida tán, hodi bele prienxe kritéria ne’ebé empregadór husi Austrália fó.
Atuál Vise Ministru Obras Públika nu'udar SEFOPE interinu, husu kandidatu sira atu esforsu maka’as iha prosesu teste ne’e. Atu nune’e, bele pasa ho valor A no B.
“Ba kandidatu sira, karik hetan oportunidade ba servisu iha rai liur, tenki hatudu disiplina no etika servisu ne’ebé di’ak. Nune’e, bele atrai empregadór rekruta tan joven timoroan sira ne’ebé hein hela oportunidade servisu, no mós fila mai bele hadi’a ekonomia familia no nasaun Timor-Leste.