FRETILIN Duun CNRT Autór Duadesimu

Deputadu Bankada FRETILIN, Francisco Branco Deputadu Bankada FRETILIN, Francisco Branco foto suplai

Tempotimor (Dili) - Deputadu Bankada opozisaun FRETILIN fó sala ba Bankada Congresso Nacional Reconstrução (CNRT), tanba nuudar bankada governu laiha reponsabilidade hodi defende ninia governu.


Vise Prezidente Bankada FRETILIN, Francisco Branco hatete, situasaun ne'e CNRT mak tenke responsabilidade ba aktu ne'ebé sira halo iha Parlamentu Nasional.

"CNRT mak sei responsabiliza situasaun ida ne'e," dehan Branco, iha Parlamentu Nasional, Tersa (21/1).

Atu ne'ebé CNRT halo iha Parlamentu Nasional ba dala rua ona. Dahuluk iha VII Governu ne'ebé lideradu husi FRETILIN hetan rejeita husi CNRT bainhira programa la pasa iha Parlemtu Nasionál.

Ne'e duni, bainhira nasaun ne'e monu ba krize ekonomia boot ruma, maka povu tenke hatene katak ne'e responsabilidade CNRT nian.

Branco esplika, atu ne'ebé CNRT halo hanesan vota kontra ba sira nia orsamentu rasik, tanba CNRT hola parte iha VIII governu.  Hanesan mos iha VII Governu, Bankada CNRT maka lidera opozisaun sira hodi vota kontra programa no ikus mai VII Governu monu.

Bazeia ba esperiensia iha tinan rua kotuk, governu moris ho osan duadesimu ne'ebé ninia impaktu maka ekonomia iha setor hotu-hotu paralizadu.

Ne'e duni, situasaun ne'ebé CNRT kria hodi obriga governu moris ho duadesimu maka dezevolvimentu sei paradu, funsiona de'it makina estadu.  Infelizmente koko atu konfirma ho deputadu sira husi bankada CNRT maibe sira hili taka ibun.

OJE tinan fiskál 2020 la pasa iha Parlamentu Nasionál, iha loron Sesta (17/01), hetan maioria abstentasaun husi bankada CNRT, nune'e rezulta OJE xumba no guvernu rasik sei sustenta makina estadu ho duadesimal. (*)

Rate this item
(1 Vote)
Last modified on Tuesday, 21 January 2020 16:03
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.