Ministru Obras Publika Salvador Pires hatete, ho situasaun governu nian ne'ebé uza orsamentu duadesimu la sufisiente atu selu kompaña sira ho kompletu.
Maske nune'e, Salvador dehan, MOP kontinua selu neneik-neneik kompaña sira ne'ebé fornese mina ba sentru eletrisidade.
Ministru Obras Publiku (MOP) Salvador Pires hatete, dadaun kontinua selu komapania sira ne'ebe oferese konvustivel ba eletrisidade, maibe la ho totalmente.
"Orasamentu ida tinan 2019 kerdizer la sufisiente, maibé ida ne'e mak situasaun, maibé Ministériu obras publiku tenta jere, uitouan-uitoan ita selu kontinua nafatin, atu nune'e ita-nia kompaña sira fluxu de kaixa labele afeitadu", dehan nia iha palasiu governu, kinta (27/2).
Foin lalais ne'e, Ministru informa, nia parte aprova ona CPV ba kompaña SACOM no ETO.
"Foin lalais ami aprova tan CPV $3.5 milloes ba SACOM no Eto $2.5 milloes atu sustenta fornesimentu hirak ne'e", dehan Salvador.
Nia hatete, iha tinan 2020 nesesida ba kuantidade mina sa'e tanba nesesidade konsumu mós sa'e, tan ne'e orsamentu duadesimu la sufisiente atu selu ho kompletu.
