Pelican Paradise Hahú Konstrusaun

Diretór Pelican Paradise, Jeremiah Chan iha fatin konstrusaun nian (28/2) Diretór Pelican Paradise, Jeremiah Chan iha fatin konstrusaun nian (28/2) Foto tempotimor.com

Tempotimor (Dili) - Kompañia Pelican Paradise hetan ona vistu husi Governu Timor-Leste atu halo konstrusaun ba otél fitun lima iha área Tibar no Tasi-Tolu dezde VI Governu Konstitusionál, maibé projetu foin realiza iha VIII Governu.


Diretór Pelican Paradise, Jeremiah Chan, hatete, konstrusaun ne'e foin bele hahú hafoin governu taka fatin bee fo'er. Nune'e, Ministériu Justisa liuhusi Sekretáriu Estadu Terras no Propriedade no kompañia hahú ona halo arrendamentu.

Nia esplika, planu Pelican Paradise rasik hakarak halo konstrusaun ba investementu dala ida de'it hodi bele minimiza gastu operasionál no aselera konstrusaun.

"Special investemant agreement entre Governu ho Pelican Paradise seida'uk iha maske hahú husi hahu husi IV ate VI Governu asina akordu balun hodi regula investementu, tanba governu sente susar rezolve problema okupante iha faze ida de'it, nune'e akordu ho VIII Governu iha termu benefisiu ba Governu no Pelican," Chan akresenta.

Pelican Paradise rasik propoin ba Governu atu konstrusaun ne'e la'o tuir etapa, nune'e bele tempu ba governu bele rezolve problema okupante husi populasaun.

Entertantu, durasaun ba konstrusaun iha faze primeiru hamutuk fulan 36 (Tinan 3) no gastu osan hamutuk tokon US$ 100 husi totál investementu tokon US$ 700.

Alende konstrusaun otél fitun lima, investementu Pelican Paradise mós sei dezenvolve kuaze rai ektare 600 iha área Tibar to'o Tasi-Tolu, ne'ebé kompostu husi eskola, komersializasaun no ospitál. Sei kuda mós  Ai-kasi no ai-funan Sakura Timor nian tuir foho lolon nune'e bele fó benefisu ba ambiente. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.