"Subsidiu hirak ne'e iha Konselu Ministru tama pakote ekonómiku jerál no governu aprova ona ba dala rua. Ida aprova iha komisaun inter-ministeriál no ida iha Konselu Ministru", dehan Ministru Koordenadór Asuntu Ekonómiku (MKAE) interiniu, Fidelis Leite Magalhães, iha edifísiu Ministeriu Finansas Ai-Tarak Laran, Kuarta (22/4).
Nia akresenta, pakote ekonomia governu aprova ona no agora to'o ona faze detallu atu pasa dekretu sira hodi bele implementa ho di'ak.
"Governu ho lideransa Primeiru Ministru, Taur Matan Ruak, preokupa ho ita boot sira nia bem estar no moris durante iha situasaun emerjénsia ne'e no mós ba futuru para bele iha kapasidade sufisiénte atu bele augenta iha situasaun ne'e", tenik nia.
Nia hatutan, antes implementa governu prevé uma kain Timor laran ne'e governu iha lista no governu mos tenke halo ajustamentu up date ba dadus ne'ebe iha, tanba ne'e importante agora tama ona faze prepara ba medida intervensaun.
Governante ne'e esplika, iha medida hirak ne'ebé atu garante ba nesesidade báziku populasaun nian, tanba governu lakohi komunidade halo movimentu barak no kontra regra sira ne'ebe Organizaun Saude Mundial (OMS) fo sai ona para bele hada'et moras Covid-19 husi ema ba ema. (*)
