"Fahe osan ba ita-nia komunidade, ha'u fiar katak sei labele responde ba nesesidade báziku povu nian, di'ak liu mak bainhira distribui ba ita-nia komunidade sira liuhusi ai-han hanesan foos, mina no nesesidade seluk hanesan sabaun no haree ba nesesidade loron-loron ne'ebe ita Timor konsumu", dehan nia, iha Parlamentu Nasionál, Kinta (23/4).
Deputadu ne'e akresenta, subsidiu bele baku ba osan ho totál ne'ebé fiksu, maibé tenke tranfere tiha osan ne'e ba ai-han ruma hafoin bele distribui ba komunidade para sira bele sente.
"Ita fahe osan de'it tuir ha'u-nia hanoin ladún di'ak karik, se di'ak liu mak fahe hahán ba ita-nia komunidade sira, see bainhira iha Konsellu Ministru iha planu atu distribui osan, di'ak liu maka hahán duke osan", tenik nia.
Nune'e, nia husu ba órgaun Estadu nian hotu presiza servisu hamutuk hodi halo jestaun didi'ak ba orsamentu ne'ebé prevé tokon US$ 150 ne'e bele responde ka to'o duni iha povu nia leet. (*)