Ministru Administrasaun Estatal interinu, Jose Abilio Caetano hatete, to’o agora dadus ba uma-kain seidauk loos tan ne’e seidauk implementa.
Daudauk ne’e, José dehan, nia parte hahú ona prosesu sosializasaun ba autoridade munisipiu no sei hala’o tan sosializasaun ho autoridade lokal sira.
"Semana oin ami sei buka tempu ida haruka fila-fali ekipa ida tuun ba iha administrasaun (munisipiu sira) par iha ne'eba bele bolu ona ita-nia administradór no xefe suku sira, tanba ne'e mak halo sosializasaun uluk ba administrador munisipiu sira,” dehan nia hafoin sosializasaun ho Prezidente Autoridade sira iha edifisiu MSSI, Kaikoli, Dili, Sesta (08/05).
VIDEO PUBLISIDADE APELU HUSI PM TAUR APLAUS BA FRONT LINE
Maske nune’e, tuir nia, iha semana oin bele hatene ona total benesifiariu sira ne’ebé sei simu subsidiu $100.
Provizoriamente, nia dehan, dadus familia hamutuk rihun 214 resin.
“Maibé dadus hirak ne'e laos atu sai hotu benefisiariu ba subaidiu $100 dollar,” dehan nia.
Kona-ba benefisiariu sira, Ministru ne’ebe mai husi Partidu CNRT ne'e esplika, subsidiu ne’e sei oferese ba ema ne'ebé simu salariu $500 mai kraik.
PUBLISIDADE
"Familia ne'ebé funsionariu iha ne'e, F-FDTL ho PNTL, salariu mais $500 dollar, inklui mós agregadu ne'ebé serbisu iha eprezariu privadu ho salariu mais $500 dolar sira ne'e la tama iha albu benefisiariu,” dehan nia.
Ministru ne’ebe ninia partidu iha Parlamentu la fo ona fiar ba VIII Governu ne'e, afirma, iha semana ida ka rua oin mai bele implementa subsidiu $100 iha Munisipiu 13.
“Iha maneira implementasaun ne'e sei fó subsidiu ba suku 452 iha Timor laran hotu dala ida, tanba MSSI forma ona ekipa 452 ba hein iha postu (administrative) serbisu hamutuk ho xefe suku no xefe aldeia atu fó subsidiu ne'e ba benefisiariu sira”.
PUBLISIDADE
PUBLISIDADE