PR Lu Olo Autoriza Rui Gomes Lidera Ekipa Rekoperasaun Ekonomika

Dr. Rui Gomes ne'ebe sei lidera Ekipa Rekoperasaun Ekonomika Dr. Rui Gomes ne'ebe sei lidera Ekipa Rekoperasaun Ekonomika Foto arkivu

Tempotimor (Dili)-Prezidente Repúblika Francisco Guterres Lu Olo aprova ona pedidu husi Primeiru Ministru Taur Matan Ruak kona-ba nomeiasaun Rui Gomes hodi lidera ekipa rekoperasaun ekonomika Timor-Leste.

PM Taur informa, nia husu ba Prezidente Repúblika (PR) Francisco Guterres Lú Olo atu autoriza Rui Gomes hodi lidera ekipa ba rekoperasaun ekonomia Timor-Leste.

Relasiona ho pandemia surtu Covid-19 ne’ebé afeta Timor-Leste no fó impaktu maka’as ba ekonomia rai laran, governu daualu ne’ebé lidera husi PM Taur hakarak atu rekopera.

"Planu rekoperasaun ekonómiku ne'ebé governu hanoin atu prepara, ba ida ne'e ha'u halo pedidu ida ba sua eselénsia Prezidente Repúblika (PR) atu autoriza doutór Rui Gomes par lidera ekipa ne'ebé sei aprezenta planu ba rekoperasaun ekonómiku," informa PM Taur hafoin enkontru semanál ho PR Lú Olo iha Palásiu Prezidensiál Bairu-pite Dili, Kinta (04/06).

Ba pedidu refere, PM Taur dehan, PR Lu Olo aprova ona.

"Agora sua eselénsia Prezidente Repúblika autoriza ona, naturalmente sei kria ekipa par haree termus referénsia no planu ba oin ne'e oinsa, mais ne'e aban-bainrua mak ita-boot sira sei hatene tan," dehan PM Taur.

Rate this item
(3 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.