Login to your account

Username *
Password *
Remember Me

Ministra Odete La Promete Bainhira mak Selu Otel ba Kuarentena

Ootel Audian nu'udar Otel dahuluk maka Governu Uza sai fatin Kuarentena ba estudante no Timor oan sira maka fila husi Indonezia mai TL Ootel Audian nu'udar Otel dahuluk maka Governu Uza sai fatin Kuarentena ba estudante no Timor oan sira maka fila husi Indonezia mai TL Foto Arkivu

Tempotimor (Dili)-Ministra Saúde Odete Maria Freitas Belo lakohi promete bainhira loos mak atu halo pagamentu ba otel sira ne’ebé durante periodu estadu emerjensia, utuliza ba kuarentena Timor-oan ne’ebé fila husi rai li’ur.

Deklarasaun ministra ne’e relasiona ho preokupasaun no ezijensia husi catering no otel sira ba prosesu pagamentu ne’ebé la’o kleur liu.

"Ita hatene iha tempu Covid nian, ita mós la hanoin katak presiza Ótel sira, maibé ita tenke konxiénte katak, iha tempu ne'ebá Ótel sira taka hotu, malae sira fila ona, entaun saida mak akontese, MS mak ba loke sira-nia Ótel, maibé balun dokumentu la preparadu, balun lisensa laiha, dalaruma ami ba husu atu uza sira-nia Ótel, mais to'o kontratu teb-tebes mós la halo, entun prosesu pagamentu tarde iha ne'e," dehan Odete ba jornalista sira iha Palásiu Prezidensiál Bairo-pite, Dili, Kinta (02/07).

Tan ne’e, nia hatete, MS tenke prepara fali dokumentu hafoin bele hahú prosesu pagamentu.

"Ha'u lakohi promete tanba prosesu pagamentu ne'e la'ós MS de'it, maibé tenke iha dokumentus kontratu ho Ótel sira ne'e, depois dokumentus kompletu ona sei hatama ba aprovizionamentu MS nian depois haruka fali ba Ministériu Finansas (MF) depois mai fali MS, tanba ne'e nia prosedimentu sira, tanba liga ho Ministériu sira seluk entaun ha'u lakohi promete katak aban ka bainhira mak ita selu," nia dehan.

Ministériu Saúde preve orsamentu hamutuk tokon $2 resin hodi selu otel ne’ebé durante periodu estadu emerjensia governu utuliza sai fatin kuarentena ba Timor-oan sira ne’ebé foin mai husi rai li’ur. 

Kona-ba orsamentu, Ministra ne’e hatete, MS preve orsamentu hamutuk tokon $2 hodi halo pagamentu ba otel no catering.

"Osan ne'ebé ita prevé ba Ótel sira inklui aihan no seguransa, ita aloka liu tokon $2 dolar Amerikanu."

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter