Login to your account

Username *
Password *
Remember Me

PM Taur Ameasa La Fó Projetu ba Emprezariu TL ne’ebé Investe iha Indonezia

PM Taur Matan Ruak ko'alia ba Jornalista sira iha Palasiu Prezidensial PM Taur Matan Ruak ko'alia ba Jornalista sira iha Palasiu Prezidensial Foto File

\Tempotimor (Dili)-Primeiru Ministru Taur Matan Ruak ameasa sei la fó projetu ba emprezariu Timor-oan sira ne’ebé mak hetan projetu iha Timor-Leste no ikus mai ba halo fali investimentu iha Indonezia.

Xefe Governu ne’e preokupa tanba emprezariu Timor-oan sira dala-barak manan projetu boot iha Timor-Leste no lori sai osan hodi ba investe fali iha rai li’ur.

"Ita-nia seitor privadu tenke forte no rekursu umanu kombate dependensia, agora ita-nia seitor privadu manan kontratu boboot ba halo fali investimentu iha Indonesia, ne'e lori osan sai hotu, depois hakilar governu atu selu lalais," dehan PM Taur bainhira partisipa iha enkontru ba preparasaun loron nasional Funsaun Publika ba dala neen iha edifísiu Ministériu Finansas, Sesta (03/07).

PM Taur husu ba emprezariu Timor-oan sira atu tenke investe iha rai laran hodi fó fali serbisu ba Timor-oan sira seluk atu bele garante dezenvolvimentu.

"Uluk ha’u sei Prezidente Republika dehan ba Oscar Lima ho Julio Alvaro katak ‘ha’u mak Primeiru Ministru ha’u sei la fó projetu ba imi na’in rua’, tanba sira na’in rua tempu Indonezia kedas emprezariu, osan hira ona mak investe no fó fali serbisu ba Timor-oan? Klaru katak, ita buka lukru maibé, pur amor de deus se o haluha o nia nasaun lori ba dezenvolve iha nasaun seluk ne'e problema boot," dehan nia.

Atu evita osan sai ba li’ur, PM Taur hatete, tenke investe iha rai laran nune’e osan bele sirkula iha sosiedade nia leet.

"Kombate tendensia estadu atu valoriza produtu ita nian regurozu ita-nia dependensia husi li’ur, atu evita ita-nia osan ne'ebé sai maka’as ba li’ur hodi sirkula no benefisia iha ita-nia sosiedade nia leet."

Tanba ne'e, Taur husu, atu ba oin emprezariu sira tenke investe maka’as iha rai laran, liu husi projetu ne'ebé sira hetan no ho rekursu naton ne'ebé iha atu bele dezenvolve ekonomia iha rai laran.

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter