Print this page

Ezekusaun Fundu Covid-19 Bazeia Ba Lei Númeru 19

Ministru Prezidensia Konsellu Ministru Fidelis Manuel Leite Magalhaes Ministru Prezidensia Konsellu Ministru Fidelis Manuel Leite Magalhaes Foto Suplly

Tempotimor (Dili) - Tuir Ministru Prezidensia Konsellu Ministru, Fidelis Leite Magalhães, ezekusaun fundu Covid-19 governu iha regulamentu hodi regula ninia medida sira ne'e tuir dekretu lei númeru 19/2020.

Nia dehan, iha dekretu lei ne'e liuliu iha artigu 5 ko'alia kona-ba ezekusaun no rekijitu ida katak ezekusaun sira sei halo termu rejime jurídiku aproxinamentu no rejime públiku aproxinamentu.

"Iha regulamentu ezekusaun Covid-19 nian fó dalan atu Diretór sira asina kontratu maibe ho kontratu ne'ebé menus um millaun mai kraik ne'e mak dekretu lei númeru 19/2020 hatuur", dehan Fidelis, iha aprezentasaun aplikasaun Estadu Emerjénsia, iha plenária Parlamentu, Tersa (28/7).

Ministru Prezidente Konsellu Ministru hateten, relasiona ho medida sira ne'e destintu deputadu sira lembra, antes ne'e governu mai lori medida 6 no asões 19. Medida hirak ne'e, iha ne'ebá iha metódu la hanesan, iha balun ke rekere lori osan para hodi bele implementa medida hirak ne'e iha balun governu halo de'it injensaun, hanesan ezemplu medida eletrisidade OB.

"Iha medida sira ne'e bainhira ami elebora tiha ba Ministru Interinu iha kraik maibé agora kontinua kompaña hela iha implementasaun sira ne'e, maibé see klean liu ne'e hela ho ministru foun Joaquim Amaral no Ministra Solidaridade Sosiál mak hatene liu ka iha liu dadus loroloron nian iha ezekusaun ka iha implementasaun," nia haktuir.

Nia haktuir, iha medida neen hahu uluk ho transporte konektividade iha subsídiu ba aviaun Dili-Darwin ho fundu orijinál rihun US$ 585, depois alterasaun halo ajustamentu fundu sa'e tokon US$ 1.663 ho ninia gastu US$ 1.118, ne'ebé iha aviaun semo ba-mai dala 30 no pasajeiru hamutuk 71 no sansan ne'ebé tula kilograma 11.850. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items