Aportil Garante Atinze Tarjetu Reseita Millaun $4 to’o $5 iha 2020

Prezidente Aportil Flávio Cardoso Neves iha intervista ho jornalista Tempo Timor iha nia kna'ar fatin (7/8) Prezidente Aportil Flávio Cardoso Neves iha intervista ho jornalista Tempo Timor iha nia kna'ar fatin (7/8) Foto Tempo Timor

Tempotimor (Dili)-Maske pandemia Covid-19 fó ameasa ba reseita instituisaun estadu sira iha nasaun lubuk ida, inklui mós Timor-Leste, maibé Autoridade Portuariu Timor-Leste (Aportil) iha garantia atu hetan rendimentu millaun $4 to’o millaun $5 iha tinan 2020.

Prezidente Aportil Flávio Cardoso Neves hatete, tuir previzaun iha planu orsamentu 2020, Aportil sei hetan rendimentu millaun $4 to’o $5.

Maske ho situasaun Covid-19 ne’ebé ameasa ekonomia mundu tomak, maibé Aportil garantia sei bele atinze tarjetu ne’e.

"Predisaun resita ba Aportil iha tinan 2020 ha’u hanoin sei mantein ho númeru ne'ebé ami fó sai mak $4 ate $5 milloens, sei bele atinze," dehan Flávio iha nia knar fatin, Aportil, Farol, Sesta (07/08).

Tuir nia, reseita sei kontinua tama maske daudauk ne’e implementa ona Estadu Emerjensia dahaat, tanba atividae iha portu la’o nafatin.

"Tinan klaran i hela fulan balun maibé ha’u hanoin ita sei rekoilla tan $2 ital milloens, mais ha’u hanoin Aportil iha rendimentu depende ba iha ro sira tama, sasan sira ne'ebé tau fatin aluga, akumula ho demorite sira i Nakroma sei nafatin tama,” dehan nia.

Entretantu, hahú husi fulan Janeiru to’o inisiu fulan Agostu, Flavio dehan, Aportil konsege rekolla ona reseita ba kofre estadu hamutuk rihun $2 resin.

Reseita hirak ne’e mai husi ro Nakroma, bilete, kargo, no ro sira ne’ebé tama-sai no balun demorite.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.