Login to your account

Username *
Password *
Remember Me

SEKoop Sei 'Sulap' Bee-mutin Batu'u Sai Fatin Turízmu 

SEKoop Elizario Fereira ko’alia ba jornalista sira wainhira partisipa seremonia tomada de pose ba estrutura kooperativa ida iha atsabe (8/8) SEKoop Elizario Fereira ko’alia ba jornalista sira wainhira partisipa seremonia tomada de pose ba estrutura kooperativa ida iha atsabe (8/8) Foto Tempo Timor

TempoTimor (Ermera) - Governu liuhosi Sekretáriu Estadu Kooperativa (SEKoop) kompromete atu 'sulap' Bee-Mutin, Aldeia Batu'u, Suku Batumano, Atsabe-Ermera, sai área turizmu komunitária.

Kooperativa ba turízmu komunitáriu halo ho intensaun atu bele atrai ema ba vizita hodi bele hatama reseita ba suku.

Sekretáriu Estadu Kooperativa (SEKoop), Elizário Ferreira hateten, objetivu husi vizita ba Bee-Mutin Batu'u bazeia ba orientasaun Primeiru Ministru, Taur Matan Ruak, hodi husu ba nia atu harii kooperativa turizmu komunitária iha nível komunidade.

Tuir nia, Bee-Mutin Batu'u sai nu'udár fatin ida ne'e di'ak duni tanba bee ne'ebé ho nia kór mutin, bele kura no halakon moras katar no inklui iha fatin hotu-hotu, Bee-Mutin ne'e rasik bele halakon moras katar.

Kona-ba estrada ligasaun Postu Administrativu Atsabe ba Bee-Mutin, Batu'u ne'ebé to'o oras ne'e nia kondiasun aat, nia dehan, normalmente kuandu lokál sira promove ona situasaun sira hanesan ne'e, automatikamente nivel nasionál sei tau matan.

“Ha'u-nia prezensa iha ne'e atu koordena ho xefe suku no xefe aldeia oinsá atu bele hahú organiza no harii kooperativa ba turizmu hodi produz oinsá atu bele dada ema mai iha nee, kria fatin ne'ebé di'ak, kria fatin estasiona kalan ida, ka oras 24 no bele liu, no iha mós restaurante ne'ebé produs husi ai-han lokál ne'e duni”, dehan Sekretáriu Estadu Elizário, ba jornalísta sira iha Bee-Mutin Batu'u, Atsabe.

Nia hateten, kona-ba guest house nian iha konkordansia ona ho autoridade suku aldeia sira materiál sei la mai husi sasán importadu, maibe uza material lokál.

Nune'e, restaurante sira mós sei labele fa'an ai-han importadu, maibé tenke fa'an ai-han lokál, liuliu hanesan produsaun ai-han sira ne'ebé mai duni husi komunidade hanesan koto, fehuk-ropa, talas, fehuk, ai-farin.

“Tenke produs atu fa'an iha ne'e para ema sira ne'ebé mai husi sidade ne'e la'os ona han ayam potong, maibé mai han ai-han lokál ne'ebé maka konsentra iha fatin ne'e” dehan nia.

Nia dehan, bainhira xefe suku no aldeia sira organiza fatin ne'e la'o di'ak ona bele fó rendimentu ba suku, atu bele kontribui ba dezenvolvimentu ekonómia iha nível lokál no postu, munísipiu no mós kontribui ba dezenvolvimentu nasionál ho sustentavel no iha ninia kondisaun ekonomia ne'ebé viável.

Kona-ba taxa, nia dehan, kuandu dezenvolvimnetu la'o ona, nasaun bele regulariza kuandu komunidade iha bele fahe ba rua, ba 90% hela ba suku hodi halao atividade sira no 10 % bele ba iha nivel nasionál, maibé ba ida ne'e seidauk koalia, la'o ona tinan rua ka tolu maka bele regulariza tanba agora foin hahú.

Bainhira nia sei prezidente kooperativa TL, Elizario vizita ona barak hatudu katak, estrada sira ne'ebé atu tama ba suku laran, komunidade sira maka halo duni, no kareta ne'ebé atu tama iha suku tenke selu hodi atu fó rendimentu ba suku rasik, nune'e bele asegura funsionamentu administrasaun suku, atu bele produz finansiamentu ruma hodi tulun fila-fali ema ki'ak no vulnerável sira ne'ebé hela iha nivel aldeia.

“Ida ne'e maka ideia baze ne'ebé atu produs kampu traballu ba sosiedade no mós ba suku nee rasik”, dehan nia.

Programa ida ne'e atu la'ó, depende ba komunidade sira-nia komitmentu rasik hodi organiza malu hadi'a fatin ne'e atu fó rendimentu sustentável, viável no ekonómiku ba suku ne'e rasik.

Nian espera, xefe suku no aldeia sira labele koalia ibun de'it, mas oinsá bele prátika, tanba prátika mak buat loos, no nia presija teb-tebes mak asaun, atu nune'e bele realiza duni konstrusaun ba fatin ne'e ho di'ak.

Xefi Suku Batumano, Fenando Soares, sente haksolok ho vizita hosi SEKoop atu bele haree besik liután Bee-Mutin Batu'u iha sira nia suku, tanba iha potensial boot ba turízmu, no nia promete sei hahú organiza konstrusaun fatin ne'e iha fulan-Setembru, tinan ne'e. (*)

Rate this item
(1 Vote)
Last modified on Monday, 10 August 2020 12:05
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter