SEKoop Prioritiza Kondisaun Merkadu iha Fronteira

SEKoop Elizario Fereira iha nia kna'ar fatin SEKoop Elizario Fereira iha nia kna'ar fatin Foto Tempo Timor

TempoTimor (Dili) - Sekretáriu Estadu Kooperativa (SEKoop) planeia ona hodi fó prioridade hadi'a kondisaun merkadu sira iha liña fronteira, nune'e sidadaun sira bele hadi'a sira-nia kondisaun ekonómia no hametin liután relasaun amizade entre nasaun rua.


"Merkadu fronteira ne'e sai prioridade ba SEKoop tanba iha 2013 kria ona konstrusaun ba uma iha merkadu, maibé la utiliza, tanba ida ne'e maka SEKoop mai atu promove no koopera ho Ministériu Turizmu Komérsiu no Indústria (MTKI) no Ministériu Interiór (MI) atu bele haree oinsá bele dezenvolve atividade nogósiu iha merkadu fronteira", hatete Sekretáriu Estadu, Elizário Ferreira, ba jornalísta sira, iha SEKoop, Akait, Tersa (11/08).

Nia dehan, SEKoop sei prioritiza kondisaun no planu atu harii merkadu komunitáriu iha fronteira, nune'e ema komunidade sira ne'ebé hela besik iha área fronteira, sira mak partisipa barak liu, no tenke kontribui barak liuhusi produtu ne'ebé sira produs atu bele oferese iha merkadu fronteira.

"Labele ita harii tiha merkadu, mas dominante ne'e husi produtu ema seluk nian, ida ne'e ladun di'ak, entaun, ita rasik tenke kontribui ba ida ne'e", tenik nia. (*)  

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.