PM Taur: OJE 2020 Akumula mos DOT Fulan 10 nian

By Tempo Timor August 27, 2020 1370

font size decrease font size increase font size
Print
Email

Priimeiru Ministru Taur Matan Ruak ko'alia ba Jornalista sira hafoin enkontru ho PR Francisco Guterres Lu Olo iha palasiu Prezidensial Dili (27/8) Foto Midia PR

Tempotimor (Dili)-Konsellu Ministru aprova ona proposta Orsamentu Jeral Estadu (OJE) 2020 ho total billaun $1.497 no tuir planu sei aprezenta ba Parlamentu Nasionál iha 15 Setembru 2020 ne’e, akumula mós Dotasaun Orsamentu Temporáriu (DOT) ne'ebé governu uza durante fulan 10 iha 2020.

PM Taur hatete, total OJE 2020 ne’e boot tanba akumula mós orsamentu ne’ebé governu gasta ona no gasta daudauk iha 2020.

"Orsamentu billaun $1.497 ne'e, orsamentu 2020 nian, entaun konta husi Janeiru ba to'o Dezembru 2020, entaun kompostu husi sira ne'ebé ita gasta ona, sira ne'ebé agora gasta dadaun no sira ne'ebé sei gasta, depois de orsamentu ne'e aprova no promulga husi Prezidente Repúblika (PR)," dehan PM Taur ba jornalista sira iha Palásiu Prezidensiál Bairru-pite, Dili, Kinta (27/08).

Xefe governu ne'e dehan, OJE 2020 nian ne'e sei uza ba saláriu no vensimentu, bens no servisu no seluk tan.

"Orsamentu ne'e ita sei uza ba saláriu no vensimentu, bens no servisu, kapitál dezenvolvimentu, kapitál menór, transferénsia públika, entaun hanesan baibain ita aplika iha OJE kada tinan nian ne'e," Taur dehan.

HAKARAK HATENE PARTISIPASAUN MAUN BO'OT XANANA GUSMAO IHA KOMBATE COVID 19 LOKE VIDEO IHA KARAIK NE'E.

Rate this item

(0 votes)

Last modified on Thursday, 27 August 2020 13:41

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com