Nia esplika, razaun durante ne'e konstrusaun estádiu Manatuto paradu tanba, iha problema ho kompañia ida harii ne'e sira laiha fundus sufisiente atu kontinua hala'o prosesu konstrusaun to'o rohan.

Maibé, dadaun ne'e kompañia ne'e rasik rezolve ona sira ninia problema interna no nia hetan ona sósiu foun (saham foun), maibé tanba problema ho Covid-19 ema ida sósiu foun ne'e iha hela nasaun Portugál.

“Mais agora foin lalais ami iha ona komunikasaun no sira no husu ona halo estensaun, ami extende tan kontratu ba 11 mezes atu kompleta estádiu Manatuto, depois mak ita haree konklui ka lae”, dehan nia.

Entretantu, estádiu Díli nian problema iha kontratuál tanba kompañia hapara tiha ona nia servisu, tanba volume adisionál balu ne'ebé antes ne'e kompañia refere halo ona, la inklui iha kontratu laran, nune'e tenke halo fali prosesu atu kompleta.(*)