Sekretária Regional Adjuntu Prezidente Autoridade Reforsa Institusional, Leonia Monteiro esplika, relasiona ho bailoron ne'ebé naruk iha Oekusi dadaun ne'e menus ba bee.

Nune'e, kondisaun bailoron naruk afeta ba agrikultor sira susar atu hetan fali ai-han ba sira-nia moris loroloron nu'udar vida agrikultor.

Leonia akresenta, ho kondisaun ne’e parte autoridade koordena ona ho Ministeriu Koordenador Asuntu Ekonomiku atu apoiu foos ba komunidade iha Oekusi.

"Agora dadaun foos iha armazein mamuk, ami koordena hela ho Ministeiru Koordenador Asuntu Ekonomiku oinsá maka husu foos fo apoiu ba Oekusi," dehan nia, iha Parlamentu Nasional, Kuarta (30/9).

Entertantu, parte autoridade rasik sei tau prioridade iha planu Orsamentu Jeral Estadu 2020 ho montante tokon US$ 3 hodi halo perfurasaun bee-matan lima iha fatin haat hanesan Oesilo, Pasabe, Pante Makasar no Nitibe.(*)